Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Balluku nuk ka vepruar e vetme”, gazetarja: Dosja e saj ka sjellë fraksione të reja të hetimit

Politiko 6 Prill 2026, 19:12

“Balluku nuk ka vepruar e vetme”, gazetarja: Dosja e saj ka

Gazetarja Anduena Llabani ka deklaruar se nga dosja e SPAK ndaj Belinda Ballukut, ish-zëvendëskryeministres dhe ish-ministres së Infrastrukturës dhe Energjisë, kanë dalë të dhëna që çojnë në fraksione të tjera të hetimit.

E ftuar në News24, ajo ka komentuar “heshtjen” që ka karakterizuar Prokurorinë e Posaçme gjatë kësaj kohe.

Ajo theksoi se hetimet vazhdojnë dhe se nga dosjet e bujshme si ajo e Ballukut, e ish deputetit socialist Jurgis Çyrbja, Partizani apo Gërdeci kanë dalë shumë fraksione që janë në hetim.

“Bazuar në trendin e viteve, SPAK ka kaluar hetimet periferike dhe ka ardhur në qendër dhe dosjet janë afatgjata dhe komplekse dhe fakti që po heshtin dmth se nuk po veprojnë. Unë mendoj se realisht është më e arsyeshme të pritet, të vazhdojnë hetimet për çështje të reja. Them me bindje se shumë procese të nisura kanë fraksione, çka dmth të tjera të dhëna kanë dalë nga dosja Balluku, Çyrbja, Partizani, Gërdeci, dmth se shumë fraksione janë akoma në zhvillim. Vazhdimi i hetimeve dhe çështjeve të reja, jo domosdoshmëisht do të jetë e menjëhershme. Shumë procese do të jenë në vazhdim.”, u shpreh ajo.

Duke u ndalur specifikisht te rasti i Belinda Ballukut, gazetarja u shpreh se ish zëvendës kryeministrja nuk ka vepruar e vetme dhe se nga dosja e saj, të dhënat shtrihen përtej, dhe mund të prekin edhe zyrtarë të tjerë.

“Me rastin e Ballukut, SPAK mori mësim të mirë se si duhet të ketë qasje të gjykatat më të larta, te Kuvendi dhe te aktorë të tjerë që e monitorojnë SPAK. Unë mendoj që pavarësisht hetimeve që vazhdojnë, Balluku thjesht ka marrë kohë, por SPAK nuk ka gabuar. E vetmja gjë që SPAK i ka dhënë Ballukut dhe personave të tjerë të përfshirë ka qenë koha. Nuk besoj se SPAK ka mundur mundësitë për të hetuar një zyrtar të lartë.

Duhet të shohim fundin se si do të shkojë SPAK në raport me përfundimin. Mendoj se jemi në mes. Çështja Balluku, edhe për shkak të impaktit, shumë hetime dhe të dhëna që kanë rezultuar nga dosja kanë çuar në fraksione të tjera të hetimit. Balluku nuk është e vetme në këtë gjë. U fol në atë kohë për bashkëpunim por pati kërcënim ndaj prokurorëve. U fol për një kërkesë absolute të prokurorëve për arrestimin e menjëherëshëm të Ballukut, por pamë që elementi që e bën SPAK-un akoma të pavarur duket se vazhdon të jetë politika. “, shtoi ajo.