Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Banorët e Baldushkut në Tiranë funerale me zetor, pa të xhenazja të ngelet në shtëpi

Politiko 1 Mars 2025, 09:47

Banorët e Baldushkut në Tiranë funerale me zetor, pa të

Pak kilometra larg Tiranës, banorët e fshatit Baldushk përcjellin për në banesën e fundit njerëzit e tyre me zetor, duke kaluar lumin e Zhullimës.

Arkivolin e hipin në rimorkion e zetorit, hipin dhe vetë për ta çuar në varreza. Kjo pasi prej 20 vitesh e më shumë mungon një urë mbi lumin Zhullim. Në rastet e motit me reshje të dendura ky lum del nga shtrati duke mësyer në rrugë dhe niveli i tij shkon mbi 1 metër lartësi. Në raste kur koha është e thatë banorët i përcjellin njerëzit e tyre që largohen nga kjo jetë në këmbë, por jo pa çizme llastiku. Ndryshe rruga është e papërshkrueshme.

Emisioni “Fiks Fare” shkoi në Çiflig Kodër në Baldushk dhe u ngjit deri në kodër ku ndodhen dhe varrezat. Rruga për tek varrezat nga fshati është mbi 1 km. Banorët kërkojnë për një zgjidhje të situatës se në rast se nuk kanë zetor dhe lumi ka dalë nga shtrati, xhenazja u ngelet pa u varrosur. ” Kjo mënyrë që ne përcjellim njerëzit drejt banesës së fundit mund të krahasohet me mesjetën” shprehen ata. Kërkesa e vetme që kanë si fshat është ndërtimi i një ure.

Fiksi takoi edhe shoferin e zetorit dhe përshkroi me të rrugën me zetor, njësoj siç bëjnë banorët kur shkojnë në varreza. Ai pohon se prej më shumë se 20 vitesh shoqërimi i të vdekurve për në banesën e fundit me zetor i është kthyer në punë. Në 20 vite rastet kanë qenë nga më të ndryshmet, madje ka patur raste kur rimorkio i zetorit mund t’i ishte rrëzuar. “Kemi zbritur arkivolin në tokë dhe ka qenë e pamundur të varrosej xhenazja atë dite” shprehet shoferi zetorit. Ai tregon se nuk bën vetëm një rrugë kur kanë varrime, pasi në rimorkio ngarkon arkivolin dhe familjarët. Duhet të bëjë disa rrugë deri sa të mblidhen të gjithë njerëzit për të respektuar të ndjerin. ” Unë kam një thirrje pasi këtë punë nuk do e bëj mot e jetë, por kur mos të mundem më çfarë do bëjmë? Do i lëmë pa varrosur? Për këtë kërkoj të merren sa më shpejt masa e të gjendet zgjidhja” përfundon ai.

Fiks Fare u interesua për problemin e mungesës së rrugës për në varrezat e lagjes Çiflig Kodër pranë Njësisë Administrative të Baldushkut.

Në përgjigjen e tij administratori i kësaj njësie zoti Kujtim Vishi, thotë se banorët e kësaj lagjeje nuk i janë drejtuar asnjëherë kësaj njësie për problemin e rrugës. Megjithatë, njësia administrative është në dijeni të gjendjes së kësaj rruge dhe rrugëve të tjera të paasfaltuara në Baldushk.

Sipas administratorit Vishi, rruga që të çon për në varrezat e lagjes Çiflig Kodër kërkon një investim kapital, duke përfshirë ndërtimin e një ure dhe shpronësimet e tokave, ku do të kalojë rruga, pasi aktualisht kalon në lumë në një segment prej 200 metrash lineare.

Kryetari i kësaj njësie premton se në buxhetin e vitit 2025 do ta përfshijnë ndërtimin e urës dhe shtrimin e rrugës në listën e prioriteteve që do t’i dërgohet Drejtorisë së Përgjithshme të Punëve Publike në Bashkinë e Tiranës. Deri atëherë në Çiflig Kodër do vazhdohet që njerëzit për në banesën e fundit të shkojnë me zetor. Top Channel