Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Barcelona ‘thyen’ madrilenët e Ancelottit, katalanasit triumfojnë në ‘El Clasico’

Politiko 21 Mars 2022, 09:55

Barcelona ‘thyen’ madrilenët e Ancelottit, katalanasit

“El Clasico” ishte tërësisht mbrëmja e katalanasve. Me një rezultat të thellë 0-4, Barcelona arriti t’i rrëmbejë fitoren madrilenëve të Ancelottit në “Santiago Bernabeu”.

Pierre-Emerick Aubameyang shënoi dy herë duke mposhtur liderët e La Liga-s të Carlo Ancelottit në terrenin e tyre. “Santiago Bernabeu” pa në heshtje teksa një Barça shumë e përmirësuar nën komandën e trajnerit të ri Xavi Hernandez dominonte 'El Clasico' që në fillim.

Me Ousmane Dembele dhe Ferran Torres që ekspozuan dobësinë e mbrojtjes së Realit në të dyja krahët, Barça hapi rezultatin në minutën e 29-të me një goditje me kokë të Aubameyang nga një krosim i Dembeles.

Barça vazhdoi ritmin kundër një Real Madrid të çorganizuar dhe rriti epërsinë e saj kur mbrojtësi Ronald Araujo shënoi me kokë nga një kënd i Dembele.

Ancelotti u përpoq të ndryshonte dinamikën, duke bërë dy zëvendësime gjatë pushimit, por Barça shënoi në minutën e parë të pjesës së dytë me një goditje nga këndi nga Torres pas një goditjeje me takë të Aubameyang.

Pesë minuta më vonë, ish-sulmuesi i Mançester Sitit, Torres ia ktheu favorin, duke tërhequr ish-sulmuesin e Arsenalit, Aubameyang për golin e tij të dytë.

Me Real Madridin që qëndron rehat në krye të renditjes me 66 pikë, El Clasico e së dielës nuk kishte gjasa të përcaktonte kurrë fatin e garës për titull në La Liga. Pas fitores së pestë radhazi në ligë, Barça është e treta në renditje me 54 pikë me një lojë më pak, tre pikë më pak se Sevilla e vendit të dytë.

Të fundit