Flash News

Përfundon pa ndryshime rinumërimi i votave në Durrës

Zhduket pa gjurmë çobani në Delvinë

Italia ashpërson rregullat për qarkullimin e monopatinave

E pazakontë për kohën, mjegulla e dendur mbulon bregdetin e Vlorës

Aksident në aksin Shkodër -Lezhë, një i vdekur e 3 të plagosur

E-TJERA

Bardho i la mandatin Zegjinesë/ anëtari i KAS: E padrejtë! Cenon sistemin zgjedhor

Politiko 4 Korrik 2025, 19:01

Bardho i la mandatin Zegjinesë/ anëtari i KAS: E padrejtë! Cenon

Ledio Braho, anëtar i Komisioni i Ankimimeve dhe Sanksioneve, ka komentuar këtë të premte vendimin e Maldrita Bardhos për t'ja lënë vendin në Kuvend Zegjine Çaushit, e cila e humbi mandatin gjatë rinumërimit të votave në Fier. 

Në një intervistë për Klan News, Braho u shpreh se vendimin final do të jepet nga Komisioneri Shtetëror i Zgjedhjeve, kur të shpërdahen mandatet. Për mendimin e tij, Braho duhet ta japë një dorëheqje të tillë nga mandati, nga salla e Kuvendit në shtator.

“Juridikisht, besoj se kësaj do i japë zgjidhje Komisioneri Shtetëror i Zgjedhjeve, në momentin e shpërndarjes së mandateve. Unë jam i idesë që zonja Bardho duhet të paraqitet në Kuvend në shtator dhe atje të heqë dorë nga mandati, e pastaj të bëhet zevëndësimi. Megjithatë, nuk e di si do të vijojë procedura administrative se unë thjesht një reagim në rrjete sociale kam parë. Kjo është për t’u parë”, tha ai.

Nga ana tjetër, lënia e mandatit në këtë mënyrë që ta marrë dikush që është votuar më pak, sipas Brahos cënon në thelb sistemin zgjedhor, si dhe votimin preferencial, pasi qytetarët e kanë votuar atë për të qenë të përfaqësuar prej saj.

“Sa i përket demokracisë, unë besoj se është e padrejtë që një kandidat që ka dalë dhe ka bërë fushatë, ka qenë pjesë e listave të hapura, merr më shumë vota se një kandidat tjetër, të dorëhiqet, për t’i lënë vendin një kandidateje tjetër. Kjo cënon në thelb sistemin zgjedhor. Cënon në thelb atë që njihet si votimi preferencial. Por, megjithatë, kjo është një çështje që kushdo e vlerëson vetë dhe e vlerëson se sa ndikon tek demokracia”, tha ai.

Të fundit