Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Barra në spitale për shkak të COVID-19, raporti: Në Shqipëri pritet të rriten sëmundjet jo të transmetueshme

Politiko 19 Prill 2022, 08:28

Barra në spitale për shkak të COVID-19, raporti: Në

Rastet e sëmundjeve kronike të mushkërive, diabetit dhe kancerit do të rriten në Shqipëri gjatë dekadës së ardhshme si pasojë e pandemisë COVID-19 dhe plakjes së popullsisë së vendit, sipas Strategjisë Kombëtare të Shëndetit 2021-2030.

Strategjia thotë se incidenca e sëmundjeve jo të transmetueshme (NCD) do të rritet për shkak të mungesës së diagnostikimit dhe zbulimit të hershëm të shkaktuar nga bllokimet dhe barrës së shërbimeve shëndetësore të shkaktuar nga pandemia, shkruan “Euroactiv”.

“Presioni ndaj shërbimeve shëndetësore pritet të rritet në afat të gjatë. Arsyet kryesore do të jenë shtimi i sëmundjeve që kanë mbetur të padiagnostikuara gjatë pandemisë dhe shtimi i komplikimeve afatgjata kardiovaskulare dhe respiratore te personat që kanë kaluar COVID-19”, thuhet në analizën e bërë.

Sipas të dhënave nga raporti, shtrimet në spital në vitin 2020 janë ulur me gati 30%. Rënia më e madhe ishte në kardiologji (26%) dhe transplantet e veshkave (63%). Pati gjithashtu rënie të konsiderueshme në depistimin për kancerin e gjirit (26%) dhe radioterapi (8%).

Por nuk janë vetëm efektet anësore të COVID-19 dhe vonesat në diagnostikim që do të përkeqësojnë situatën. Një faktor tjetër është rritja e moshës së popullsisë.

“Sëmundjet jo të transmetueshme (NCD) janë një shqetësim në rritje për shoqërinë shqiptare për shkak të shkallës së lartë të vdekshmërisë. Ato kanë pasur një rritje të ndjeshme gjatë periudhës 1990-2010, trend i cili pritet të vazhdojë edhe në 10 vitet e ardhshme si pasojë e rritjes së jetëgjatësisë dhe plakjes së popullsisë shqiptare”, thuhet në raport.

Vetëm këtë javë, Organizata Botërore e Shëndetësisë dha alarmin për një "pandemi" të NCD-ve në të gjithë botën dhe u zotua të zvogëlojë vdekshmërinë e parakohshme nga NCD-të me një të tretën deri në vitin 2030.

 

Të fundit