Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

E-TJERA

"Basha e ka zbrazur partinë, do të mbajë karrigen", Arben Skënderi: Pa kryedemokratin, Rama s'do ta kishte fituar mandatin e tretë

Politiko 5 Maj 2021, 20:38

"Basha e ka zbrazur partinë, do të mbajë karrigen",

Kandidati për deputet i Bindjes Demokratike, Arben Skënderi është shprehur se më 25 prill u manipulua vullneti i popullit, pasi sipas tij zgjedhjet nuk kanë qenë të lira dhe të ndershme.

Ai hodhi akuza ndaj qeverisë se ka bërë presione dhe shantazhe ndaj votuesve, përdorimi i administratës në zgjedhje, për përdorimin e të dhënave personale, etj.

"Zgjedhjet vetëm të ndershme dhe të lira nuk ishin. Vullneti i popullit ishte aty, por duhet ditur si u manipulua ky vullnet. Tashi janë sofistikuar. Vota tani u tjetërsua. Ne shohim mjaft mirë përdorimin e administratës publike. Mazhoranca e ka për detyrë të hedhë poshtë këto akuza. Unë po them perceptime. Kam shumë miq që punojnë në administratë shtetërore. E gjithë administrata ka qenë në funksion të zgjedhjeve. Presion ndaj administratës, presion me vendin e punës, presione me frikën. U mboll frikë për ata që ishin në punë. Të dy partitë janë punëdhënësit më të mëdhenj në vend. Më pëlqeu shumë shprehja që tha Dash Shehi, të cilin e kam mik, e salutoj nga larg, “mos kujtoni se këta të PD-së u mërzitën që nuk erdhi PD-ja në pushtet por u mërzitën që nuk do bëhen dot drejtora”. Ky është realiteti shqiptar, dhe dinozaurët e mëdhenj e përdorën me të gjitha mënyrat, duke mbjellë frikë, që t’i tkurrin njerëzit, duke i bërë presion deri te buka e gojës. Mbillet frikë dhe frikë e strukturuar dhe jo vetëm disa ditë para. Dhe kjo dalja e patronazhistëve është teatër. Ishte pjesë e volumit të frikës. Pati një deja vu për njerëzit që kanë jetuar në atë periudhë ‘kujdes, ai shef për kë voton, ai di gjithçka.’ Është një klimë që krijohet. Janë strategjikë ata që merren me këtë punë. Doli, u morën njerëzit me këtë punë. Vetë Kryeministri u mor me këtë punë." tha Arben Skënderi në FaxNews.

Lidhur me shtrirjen e dorës për bashkëpunim të Ramës për Bashën, kandidati i BD-së tha se kryeministri luan me simbolikën dhe po e godet akoma dhe më shumë opozitën Sipas tij, Basha nuk kërkon që ta lëshojë postin e kryetarit të PD-së dhe se justifikimet për mosnjohjen e zgjedhjeve janë thjesht sa për të qetësuar njerëzit.

Arben Skënderit tha se Edi Rama nuk do të fitonte dot mandatin e tretë pa ndihmën e Bashës.

"Rama luan me simbolikën, me imagjinarën, i tregon përralla njerëzve. Ai ka bërë një diversion atje për ta goditur akoma më tepër opozitën, aq më tepër që tani ka një kryetar që nuk do ta lëshojë karrigen e vet. Kur në 8 vjet nuk ke arritur dot të krijosh një klimë me frymë por vetëm me qarje halli, të gjitha palët do korrin atë që kanë mbjellë. Nuk mund të thuash unë s’do njoh zgjedhjet dhe të thuash unë do vazhdoj të mbledh provat. Nëse për katër ditë nuk dorëzon provat në KQZ, atëherë iku kjo punë. Kjo bëhet thjesht për të qetësuar njerëzit. Janë për konsum politik të momentit. Këtu hyn në lojë edhe Edi Rama që bën atë shtrirjen e dorës. Pa Lulzim Bashën Edi Rama nuk do të kishte fituar mandatin e tretë në gjykimin tim. Një gjë është e sigurtë, nuk e ndihmon opozitën kjo gjë të ngrejë kokën. Unë mendoj se Basha do të mbajë karrigen e vet. E ka zbrasur partinë. Përça e sundo. Populli opozitar mendon se ai duhet të ishte lokomotiva e bashkimit dhe jo hemorragjisë. Nuk bëhet duke përçarë por duke bashkuar të gjithë vlerat e të djathtës shqiptare." tha Arben Skënderi.