Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Basha shpërblen të vetët: dërgon në AMA këshilltaren, gazetarin e Hysenbelliut dhe të birin e mbështetësit mediatik

Politiko 17 Shkurt 2022, 17:03

Politiko.al

Partia Demokratike i ka paraqitur Komisionit për Edukimin dhe Mjetet e Informimit Publik tri kandidatura-qoka për të plotësuar vendet bosh në Autoritetin e Medias Audiovizive. Nga një listë e gjatë kandidatësh për votim në seancë plenare Komisioni ka kaluar Aurela Bicjan, Besjan Zogajn, Desada Metajn, Gjergj Hamitin, Jetmir Halilajn dhe Joana Allushin.

Tri prej këtyre kandidaturave janë të Partisë Demokratike, përkatësisht Desada Metaj, Besjan Zogaj dhe Jetmir Halilaj. E para është ish-gazetare, që prej dy vitesh punon si këshilltare për median dhe komunikimin pranë kryetarit Basha. Ajo vjen nga një karrierë në gazetari, kryesisht në role të prapaskenës, duke alternuar gazetaren e terrenit në Shijak TV, folëse lajmesh në TV Klan dhe në fund kryeredaktore e Fevziut në Opinion. E afërt me gruan e kryetarit të PD, Metaj është ofruar në partinë opozitare duke marrë përsipër rolin e shefes së zyrës së komunikimit të Bashës.

Besjan Zogaj është i biri i shkrimtarit dhe politikanit Pre Zogaj, i cili pas një ftohjeje me Bashën, që pas Çadrës dhe djegies së mandateve, është rikthyer duke u bërë një nga njerëzit e vijës së parë pro tij dhe kundër Foltores dhe ish-kryetarit Berisha.

Jetmir Halilaj është kryeredaktor i gazetës Panorama Sport në pronësi të Irfan Hysenbelliut. Mediat e Hysenbelliut kanë qenë mbështetëse të zjarrta të Lulzim Bashës pas vendimit të tij për të përjashtuar nga grupi parlamentar i PD ish-kryeministrin Berisha.

Besion Ajazi, deputet i Partisë Socialiste dhe anëtarë i komisionit, i tha BIRN se për 6 kandidatët pati dakordësi mes palëve. Ajazi tha se procedura e ndjekur ishte ajo e eliminimit, kur opozita dhe socialistët patën të drejtë të eliminonin kandidatë, deri sa u mbërrit në listën me 6 veta që do i kalojnë kuvendit për votim.

Të njëjtin qëndrim mbajti edhe deputetja e Partisë Demokratike Ina Zhupa. “Vijuam sipas procedurave ligjore duke eliminuar një herë ata një, një herë ne një, derisa ngelen 6 kandidaturat që do i kalojmë në seancë”, tha Zhupa.

Ajazi tha se kandidaturat e kaluara për votim kishin mbështetjen politike të palëve. “Patjetër duhet një mbështetje politike”, tha Ajazi në një bisedë telefonike.

Qartësisht, më shumë se kriteret profesionale Partia demokratike ka vednsour të dërgojë në Autoritetin mbikqyrës të medias ‘besnikë’ të Bashës. Kryefjala e fjalimeve të fudnit të Lulzim bashës ka qenë si është PD sot do të jetë shqiëpria nesër. Kështu duket.