Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Basha takim me përfaqësues të agjencive turistike: Plani ynë, turizmi si prioritet kombëtar

Politiko 12 Shkurt 2021, 10:03

Basha takim me përfaqësues të agjencive turistike: Plani

Kryetari i Partisë Demokratike, Lulzim Basha ka zhvilluar një takim me përfaqësues të agjencive turistike në Durrës, për ti njohur me programin e PD për turizmin.

Gjatë bashkëbisedimit, Basha tha se objektivat e këtij plani janë të realizueshme, duke e shpallur kështu, turizmin si një prioritet kombëtar.

Kryetari demokrat foli për një rritje “prej 15% çdo vit dhe një rritje prej të paktën 2% nga 8 në 10 e sektorit të turizmit në vetvete ku natyrisht nuk përfshihet sektori i agjencive të udhëtimeve ku bashkë me të volumin në ekonomi është më shumë se dyfish”.

“Sapo erdha nga një takim me përfaqësuesit e hotelerisë. E zhvilluam në zonën e plazhit, megjithëse aty kishte dhe pronar hotelesh të qyteteve. Është në kuadër të bashkëbisedimit me grupet e interesit pas shpalljes të programit tonë për turizmin. Një program mbi të cilin kemi punuar për pothuajse dy vite. Unë e kam nisur me një komunikim të drejtpërdrejt me të gjithë operatorët turistik në Shqipëri. Për vet rolin që Durrësi ka, ka qenë jo vetëm ndër të parët por dhe ndër konsultat më të vazhdueshme komuniteti juaj, Komuniteti i Operatorëve Turistik të Durrësit.

Analiza e problemeve, analiza e potencialit të vendit, na ka çuar drejt një plani pune në angazhime konkrete. Besoj se e keni ndjekur shpalosjen dje. Janë objektiva realiste, të zbatueshme, por që padiskutim në tërësinë e tyre si pjesë e planit, së pari stabilizojnë krizën e thellë në të cilën është zhytur turizmi shqiptar si pasojë e politikave të gabuara dhe goditjeve të njëpasnjëshme që ka marrë prej tyre.

Padiskutim të rënduara në rastin e Durrësit dhe jo vetëm nga tërmeti, por edhe më pas nga pandemia. Shpallja e objektivave është hapi i parë, por asnjë objektiv nuk qëndron aty si një premtim, është një angazhim dhe është një rezultat i proceseve dhe reformave që ne kemi propozuar. Disa prej tyre janë reforma që prekin të gjithë ekonominë, siç është taksa e sheshtë 9%, siç është ulja e çmimit të karburantit, siç është reduktimi masiv i burokracisë, i lejeve, i autorizimeve, i kërkesave që kërkon për çdo sektor që aksesohet nga shteti, duke përfshirë dhe sektorin e turizmit. Siç është çështja e çmimit të karburantit por dhe angazhime të tjera që kanë të bëjnë me të gjithë ekonominë.

Një pjesë është e fokusuar te turizmi. Është e fokusuar te turizmi për të theksuar natyrën e turizmit si prioritet kombëtar brenda planit tonë të zhvillimit ekonomik. Dhe këtu objektivat tona janë të qarta. Një rritje prej 15% çdo vit dhe një rritje prej të paktën 2% nga 8 në 10 e sektorit të turizmit në vetvete ku natyrisht nuk përfshihet sektori i agjencive të udhëtimeve ku bashkë me të volumin në ekonomi është më shumë se dyfish”, deklaroi kreu i PD.

Një sipërmarrës tha se nuk ka pasur as ndihmën më të vogël.

“Takimin e parë që kemi pasur bashkë, ishim tek zyra ime që aktualisht nuk është më, arsyet pothuajse i dimë tani të gjitha sepse të paktën flas për veten, nuk flas për të gjithë kolegët e mi, që kemi qenë nga më të harruarit si subjekt. Nuk kishim as edhe ndihmën më të vogël, normalisht ndoshta dhe unë ngaqë kisha një eksperiencë 4-vjeçare, nuk arritëm dot ta përballojmë deri në fund pasi menduam që do të kalojë një muaj, dy muaj, tre muaj. Fatkeqësisht zgjati shumë dhe përkrahja ishte zero. Lamë ato 10 punëtorë punonjës të agjencisë, i lamë në shtëpi, edhe u detyruam drejt mbylljes”, tha ai.

Basha: Plani ynë, tejkalimi i krizës së thellë ku është zhytur turizmi. Plan pune dhe angazhime konkrete për turizmin. Plani ynë ka objektiva të arsyeshme dhe të realizueshme. Plani ynë, taksë e sheshtë 9%, ulja e çmimit të karburantit.