Flash News

Vrasja e Xhulio Prelës, Gjykata e Apelit i kërkon SPAK bisedat e Ervis e Brilant Martinajt

Dyshohet se dhunuan djalin e ish-deputetit të PD në Lundër, dy të proceduar

I riu denoncoi gjendjen skandaloze të rrugës, dy zyrtarët e PS e dhunojnë (VIDEO)

Ekzekutohet me armë zjarri roja i një objekti në Vlorë

Berisha pritet me entuziazëm nga qytetarët në Pogradec

E-TJERA

Bashkia i kërkon FRD të lirojë zyrat, çfarë parashikon ligji për partitë politike

Politiko 13 Mars 2021, 14:18

Bashkia i kërkon FRD të lirojë zyrat, çfarë

Lirimi i zyrave nga FRD me urdhër të Bashkisë së Tiranës është kthyer në një ‘mollë sherri’.

Pasi policia bashkiake nuk lejonte përfaqësuesit e FRD të hynin në zyrat e tyre një ditë më parë, pjesë e përplasjes u bë edhe presidenti Ilir Meta.

Pasi pa nga afër ngjarjen, ai reagoi me tone të forta ndaj policisë, duke u thënë se ‘do t’ju fus në burg me duart e mia’.

Në derën kryesore të selisë ishte vendosur njoftimi ku kërkohej “lirimi i menjëhershëm i ambienteve për qëllime sistemimi”, ndërsa u ishte ndërprerë dhe energjia elektrike.

Bëhet fjalë për ambientet e katit të tretë, ku Bashkia thekson se hapësira është pronë e bashkisë. Të dyja palët pretendojnë se kanë të drejtë, por çfarë parashikon ligji për partitë politike sa i takon pajisjes së tyre me zyra dhe godinë.

Sipas nenit 22, pika “b” e “c” parashikohet që subjektet që kanë marrë në tri zgjedhjet e fundi mesatarisht 1% të votave në shkallë vendi, shteti ka detyrim që t’u garantojë zyra.

“Partitë parlamentare pajisen me ndërtesë për selinë e tyre qendrore dhe zyra vendore. Këtë të drejtë e ka edhe partia politike, mesatarja e votave të së cilës në tri zgjedhjet e fundit parlamentare ka qenë mbi 1 për qind në shkallë vendi. c) Nëse partia politike është pajisur me ndërtesë me kontratë huapërdorjeje, sipas këtij ligji, por nuk plotëson kushtet e parashikuara në shkronjën “b” të këtij neni, atëherë ka të drejtën e lidhjes së kontratës së qirasë për ndërtesën, për ta përdorur vetëm për selinë apo zyrat e saj vendore.

Rregulla më të hollësishme përcaktohen me vendim të Këshillit të Ministrave, me propozim të Ministrit të Brendshëm”, shkruhet në nenin 22.

Nëse kthehemi pas ne zgjedhjet e fundit rezulton se FRD ka siguruar mbi 1% të votave. Kjo pasi në zgjedhjet e 2013-ës FRD mori 1.7%, kurse në 2017-ën 0.32%. Pra, nëse mblidhen së bashku përmbush kriterin e 1 %.

 

Të fundit