BE kundër 'projektit strategjik' të qeverisë, anulon grantin 28 milionë euro për Portit të Durrësit

Bashkimi Evropian është tërhequr nga investimi për projektin e Portit të Durrësit, marrëveshje e realizuar mes qeverisë shqiptare dhe kompanisë “Eagle Hills” të Alabbar.

Në faqen e “Western Balkans Investment Framework” granti tani mban statusin ‘i pezulluar’.   

Projekti mori mbwshtetjen e WBIF për:

• 1.1 milionë euro grant nga BE-ja për përgatitjen e dokumentacionit teknik dhe dokumenteve të tenderit për punime

• 27.05 milionë euro grant investimi nga BE-ja në kuadër të Agjendës së Lidhshmërisë në 2018 për të mbuluar 40% të kostove të investimit, mbikëqyrjen e ndërtimit, shërbimet e menaxhimit të projekteve si dhe veprimet e dukshmërisë dhe komunikimit.

Anulimi i grantit vjen para seancës maratone të Kuvendit, ku është parashikuar një diskutim mbi 6 orë rreth marrëveshjes për Portin e Durrësit.

Në përshkrimin që WBIF i bën projektit thuhet se “Studimi i fizibilitetit pritet të përfundojë brenda tetorit 2019, ndërsa aktivitetet e kontraktimit të projektit do të fillojnë deri në fund të vitit”.

Ndërkohë qeveria nuk ka nxjerrë deri tani detaje nga marrëveshja pë Portin e Durrësit.

Kompania “Eagle Hills” disa ditë më parë, u referua nga mediat kroate si e përfshirë në një sërë skandalesh, mes tyre edhe në Zagreb. Alabbar kishte planifikuar të ndërtonte “Manhatanin e Zagrebit”, projekt që u tërhoq pas këmbënguljes së opozitës.

Po ashtu, sipas mediave kroate, kompania e Alabbar rezultonte një firmë që dikur kishte shfrytëzuar tokat e indianëve për të ndërtuar një resort luksoz, apartamentet e të cilit qytetarët nuk patën mundësi t’i merrnin, pasi kishin kaluar në pronësi të palëve të treta.

 

Dokumenta bashkëngjitur