Flash News

Vodhi 11 200 euro aksesorë, arrestohet hajduti 'serial' i syzeve në Tiranë

Ushtroi dhunë dhe kanosi me armë bashkëshorten, arrestohet 40-vjeçari në Kamëz

Tiranë/ I riu dhunohet brutalisht dhe merret peng

Përfaqësues të SHBA dhe OSBE marrin pjesë në meshën për Papa Françeskun në Katedralen "Shën Pali"

Aksident në aksin Fier-Levan, furgoni përplas motomjetin, një i plagosur

E-TJERA

Bekim Balaj tërhiqet nga Kombëtarja

Politiko 13 Nëntor 2024, 14:43

Bekim Balaj tërhiqet nga Kombëtarja

Bekim Balaj është tërhequr nga Kombëtarja e Shqipërisë në moshën 33-vjeçare. Sulmuesi shkodran ia ka komunikuar vendimin FSHF-së dhe Silvinjos.

Balaj do te mbahet mend gjithmonë për golin e fitores 1 me 0 në Portugali, i cili dhe i hapi rrugë kualifikimit në Euro 2016.

Njoftimi i FSHF-së:

“Bekim Balaj ka vendosur të tërhiqet nga Kombëtarja shqiptare. Sulmuesi kuqezi, i cili aktivizohet në kampionatin “Abissnet Superiore” me Vllazninë, i ka komunikuar vendimin e tij trajnerit Silvinjo, stafit teknik dhe Federatës së Futbollit.

Gjatë karrierës së tij me Kombëtaren kuqezi, Bekim Balaj, u aktivizua në 48 ndeshje, duke shënuar 9 gola.

I pari është edhe më i veçanti, pasi realizimi ndaj Porugalisë dhe fitorja historike e Shqipërisë me golin e Bekim Balajt në “Estádio Municipal de Aveiro” bëri krenar të gjithë shqiptarët kudo në botë, duke i hapur rrugën kualifikimit të parë historik të Kombëtares në Europianin “Francë 2016”.

Gjithashtu, Balaj ishte pjesë e Kombëtares në atë Europian ku u aktivizua në fitoren ndaj Rumanisë me rezultatin 1-0.

Federata e Futbollit falënderon sulmuesin Bekim Balaj, për kontributin e jashtëzakonshëm të dhënë në fushën e lojës me fanellën kuqezi, i cili ka lënë një gjurmë të pashlyeshme në historinë e futbollit shqiptar dhe i uron sa më shumë suksese në të ardhmen”.

Të fundit