Flash News

Aksident në Lezhë, 69-vjeçari humb kontrollin dhe godet 4 automjete të parkuara

Aksident në Lezhë, makina përfundon në parkimin e një këndi lojrash

Raporti/ Shëndetësia shqiptare mes transparencës së kufizuar dhe nën-financimit

Aksident në aksin Fier-Vlorë, makina del nga rruga, 3 të plagosur

Ish-gjyqtari Guxim Zenelaj dënohet me 100 orë punë publike

E-TJERA

Këlliçi: PD prej 6 javësh denoncon ‘trenin Bullgar’ dhe shkeljet e tjera, Task Forca e SPAK asnjë reagim

Politiko 26 Qershor 2025, 19:58

Këlliçi: PD prej 6 javësh denoncon ‘trenin Bullgar’

Drejtuesi politik i PD në Tiranë, njëkohësisht edhe deputeti i zgjedhur, Belind Këlliçi duke folur në tryezën me diskutime të organizuar nga Ambasada Britanike dhe disa organizata joqeveritare me fokus zgjedhjet e 11 majit, është shprehur se, SPAK nuk ka bërë asnjë hetim në lidhje me denoncimet e bëra nga PD.
Ai ka akuzuar Policinë dhe SPAK se nuk janë përgjigjur kërkesave të opozitës, apo telefonatave të bëra ditën e zgjedhjeve kur aktivistët të PD-së dhe opozitës kanë kapur shkelje të mëdha, siç kanë qenë edhe zyrat ilegale të ngritura nga PS pranë qendrave të votimit.

Pjesë nga fjala e Belind Këlliçit:
Më bënë të ndjehem sikur kam garuar në Danimarkë apo në Norvegji në zgjedhjet e 11 majit. Vetëm lidhje me realitetin në Shqipëri, nuk ka pasur fjala e drejtuesve në panelin e parë në raport me zgjedhjet e mbajtura në vendin tonë.
Do të doja të ishte këtu dhe Dumani të flisnim për suksesin e Task Force ngritur nga SPAK dhe rastet konkrete që ai përmendi.
Jam i habitur dhe më bëri përshtypje fjala e kryetares së komisionit të Helsinkit që tha se e prokuroria e Elbasanit ka bërë një punë që ju ka impresionuar?
Zonjë për çfarë?
Suel Çela, një ndër narkotrafikantët më të mëdhenj të Europës qëndron në Elbasan. E dinë të gjithë që strehohet në Elbasan. Ka deputetë të caktuar që i ka sponsorizuar në qarku. E as prokuroria e Elbasanit nuk guxon të bëjë detyrën. E njëjta gjë vlen dhe për drejtuesin e policisë së shtetit që më kujtojnë kronikat e lajmeve të viteve 70-80, në kulmin e diktaturës ku flitet për suksese imagjinare.
Në datën 11 maj kam denoncuar zyrë elektorale të padeklaruar live para mediave.
Është dashur mbi 90 minuta e 6 telefonata që një patrullë që qëndronte 15 metra larg, ku ndodhej zyra e padeklaruar e PS-së, pronësinë e mori Erion Brace shoqëruar me një person me precedentë kriminalë, të vinte në vendngjarje.
Kam telefonuar zotin Dumani, për cilin numër të gjelbër flet kur unë para mediave kam telefonuar 2 herë e nuk funksiononte. Tha se SPAK ka marrë kontakt me denoncuesit e partive politike. Me kë ka marrë në PD-në, që është forca më e madhe opozitare në vend?
Nëse ne mendojmë që në të gjithë Shqipërinë paskan qenë vetëm 9 raste për të cilat ka nisur kryesisht hetime atëherë ne kemi standardet më të larta në Europë.
Ndërkohë nga selia qendrore e PD-së për 6 javë janë denoncuar me video pamje si funksionon skema e trenit bullgar në Elbasan. Si komisionerë të ngarkuar për mirëmbajtjen e procesit kthejnë kutinë përmbys, nxjerrin fletën e votimit e hapin e palosin dhe e fusin brenda. Janë denoncuar me dhjetëra pamje të përplasjeve me krimin e organizuar dhe nuk kemi asnjë kontakt dhe asnjë reagim zyrtar.
Nuk kemi asnjë kontakt dhe as një reagim zyrtar nga Task Forcë
U fol për një punë të shkëlqyer të Policisë së Shtetit. Ndërkohë është shkruar dhe dokumentuar nga ndërkombëtarët konflikti fizik e verbal në bashkinë e Vorës mes 2 titullarëve të PD dhe pjesëtarëve me precedentë penalë që ishin aty si përfaqësues të maxhorancës. Është thënë dhe nga vëzhguesit ndërkombëtar që nuk arrinim të kuptonim përse policia për 2 orë nuk shkonte në vendngjarje. Kur ndodhi në Vorë e kuptoni çfarë ka ndodhur në qarqet e tjera të vendit.
Edhe kriteret e Kopenhagën janë shkelur në këto zgjedhje. Apo liria e marrjes së informacionit për shkak të censurës si Tik Toku që pas zgjedhjeve u hap.
këto tryeza më rikthyen në memorien ku kam shërbyer në kuvend ku shpesh dhe për shkak të burokracisë, flasim për cheklist që duhen plotësuar..
Ndërkohë Komisioni i jashtëm i PE-së dhe Asambleja e Partisë Popullore Europiane vendosën të sjellin dy misione faktmbledhëse në Shqipëri.
Një prej organizatat më të mëdha të së djathtës, IDC-CDI i konsideron zgjedhjet e mbajtura në Shqipëri farsë zgjedhore të organizuar nga një shtet elektoral.
Çdo ditë PD vijon të pasqyrojë në media ndërkohë që nuk ka pasur as qasjen më minimale nga ana e organit të akuzës të paktën për të verifikuar ato pamje që ne bëjmë publike.
Këto do ishin pyetje që do ia drejtoja drejtuesit të SPAK.
Cili është bilanci real i task Forcë së SPAK?
Vetëm ngritja e në vetvete e një Task Forcë nuk mund të jetë sukses. Sukses do të ishin nëse do të ishte efecientë por të parandalonte shantazhimin e votës, blerjen e intimidimin e votës.

Të fundit