Flash News

U vra nga i dashuri, del autopsia e Ilaria Sulës: Tre plagë të thella në qafë, vdiq nga shoku hemorragjik

E-TJERA

Berisha ‘non grata’, ambasadori i parë i SHBA në Tiranë Ryerson për VOA: Inkurajuese dhe shumë zhgënjyese

Politiko 1 Tetor 2021, 18:36

Berisha ‘non grata’, ambasadori i parë i SHBA në

Ambasadori i parë amerikan në Tiranë William Ryerson ka komentuar shpalljen e ish kryeministrit Sali Berisha ‘non grata’ nga SHBA.

Në një intervistë për VOA, Ryerson  thotë se ato që kanë ndodhur në Shqipëri janë inkurajuese, por edhe shumë zhgënjyese.

“Ju keni vazhduar t’i ndiqni zhvillimet në Shqipëri, pasi ju kuptoni dhe flisni shqip. Kur ishit në Shqipëri, udhëheqësi i opozitës atëherë Sali Berisha, gëzonte mbështetje të madhe nga Shtetet e Bashkuara. Sot pas 30 vjetësh, qëndrimi ka ndryshuar 180 gradë. Sekretari i Shtetit e ka përcaktuar Sali Berishën për korrupsion madhor. Si shpjegohet? Cili është mendimi juaj për këtë ndryshim?”, u pyet nga Zëri i Amerikës.

“Ato që kanë ndodhur në Shqipëri janë inkurajuese, por edhe shumë zhgënjyese. Dikush më pyeti kohët e fundit se përse e bëri Sekretari Blinken këtë, përse jo një njoftim nga një prej zëdhënësve. Për mua ky është një sinjal kundër korrupsionit, jo vetëm për Shqipërinë, por se Uashingtoni do ta godasë korrupsionin sa herë ta shohë, pavarësisht se për kë bëhet fjalë.

Ajo që ka rëndësi është çfarë bën tani ky, apo ai person, ky, apo ai entitet. Ndoshta para 25-30 vitesh nuk ishin përfshirë në korrupsion, por janë përfshirë më pas dhe prandaj tani po merr vëmendje kaq të lartë”, u shpreh ambasadori Ryerson.

Të fundit