Bie "pafajësia” e Pandeli Majkos/ Propaganda përballë realitetit: Na kalo filanin se humbasim 50 vota

Analist Adrian Sulo ka ndarë në adresën e tij në Facebook, një foto të deputetit socialist, Pandelin Majko, të cilën e ka shoqëruar më mbishkrimin: Berisha më ka inat se i ngjaj komisar “Katanin”.

Shkrimi i Sulos vjen pas deklaratës së kreut të Partisë Demokratike, Sali Berisha i xili e ka akuzuar ish-kryeministrin Majko për blerje votash.

Sulo madje ka ndarë një rast në të cilin e ka parë vetë ku Majko ka marrë në telefon dekanin a rektorin e Universitetit të Elbasanit dhe i thotë “na kalo filanin se humbasim 50 vota këtu tek njësia 5 në bllok.”

Postimi i plotë

“Se ku më vodhi veshi dje që Berisha ka akuzuar shokun Pandi për blerje votash.

Berisha ka informacione në fakt po helbete edhe e gënjejnë ndonjëherë.Kjo që do t'ju them është e sigurt si buka që ha...kam qënë vetë shahit dhe e kam parë me zë e me figurë.

Mer në telefon shoku Pandi dekanin a rektorin e Universitetit të Elbasanit dhe i thotë na kalo filanin se humbasim 50 vota këtu tek njësia 5 në bllok.

Padyshim që u skandalizova. Jo se ishte ndonjë gjë e pa dëgjuar po t'a thoshte shoku Pandi...një ish kryeministër????

Dhe t'a mendosh që shoku Pandi ishte më i miri ndër Specialistët.(Socialistët)

Mbaj mend që shokut Pandi nuk i pëlqenin këto fushatat me lek se ishte dhe kurnac në fakt .(E kam nga burime të sigurta që qesen e mban e shoqja)

E megjithatë shoku Pandi i kishte nja 5 meleona euro në Qipro...gjëra të vogla.Të tjerët kanë ku e ku më shumë.

Ky është shoku Pandi...më i miri socialist i konvertuar në rilindas......më thoni a nuk duhen marë armët në këtë vend???

Shënim: Ke 5 milionë euro në Qipro ja përmendi Anastas Angjeli në parlament”

Kujtojmë  që deputeti socialist, Pandeli Majko, ka reaguar pas deklaratës së kreut demokrat Sali Berisha, i cili e quajti deputetin socialist si kriminelin më të madh elektoral.

Në një reagim në Facebook, dhe pa kursyer ironinë, Majko shprehet se e vërteta e Berishës është konfuzioni, ndërsa thekson se nuk është aq i fortë sa të “vjedhë” fitoren e munguar të PD në qarkun e Kukësit!.

“Sali Berisha ka deklaruar sot në media se: “Majko është kriminel i madh elektoral në Kukës…” Publiku i shoqërisë sonë është mjedis delikat! Tundini dhe shkundini njerëzit me gënjeshtrat e duhura dhe ata do të verbohen e s’do te shohin çmendurinë që kanë para syve! Konfuzioni është kontroll! Kjo është e vërteta e vërtetë e Sali Berishës! Nuk besoj se jam aq i fortë sa të “vjedh” fitoren e munguar të PD në qarkun e Kukësit! Edhe të përsëritur!”

Për deputetin socialist, “vjedhja e votave dhe bashkëpunimi me krimin e organizuar është mirë t’u lihet atyre që kanë fuqi të kontrollojnë punët e kësaj bote!”

“Atyre që dinë dhe ju dhimbset Shqipëria më shumë se sa ata që ajo ka mbajtur me pushtet dhe janë gati ti vënë flakën vendit kur mbesin pa të! Ishte një kënaqësi t’u dëgjoja të më fyenit! Kjo do të thotë se kam bërë gjënë e duhur! Ka shumë lloj vjedhjesh në këtë botë Doktor! Më e keqja, është vjedhja e të ardhmes! Sigurisht!”