Bilanci ditor me Covid-19 në vend/ Bien ndjeshëm testimet, ulen dhe shifrat gjatë 24 orëve të fundit

Në 24 orët e fundit është regjistruar një rënie e lehtë e shifrave me Covid-19, pasi testimet kanë rënë me rreth 3 mijë krahësuar me një ditë më parë. Ministria e Shëndetësisë raporton 2,230 raste të reja dhe pesë viktima nga Covid-19.

Tirana, Shkodra dhe Durrësi janë bashkitë me numrin më të lartë të të infektuarëve. MSH bën me dije se janë shëruar 1,894 qytetarë, duke e çuar numrin e tyre në total në 218,679 që nga fillimi i epidemisë.

Aktualisht në vendin tonë janë afro 25 mijë raste aktive me koronavirus. Ndërkohë në spitalet covid po marrin trajtim 146 pacientë, nga të cilët 14 janë në gjendje më të rënduar.

Statistika (22 Janar 2022)

Raste të reja ditore  2,230

Të shëruar në 24 orë 1,894

Të shtruar në spitale  146

Humbje jete në 24 orë   5

Testime ditore  6,598

Testime totale  1,621,211

Raste pozitive  246,412

Raste të shëruara 218,679

Raste Aktive  24,436

Humbje jete  3,297