Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Bilanci i javës/ Policia: 123 persona u arrestuan, do intesifikojmë kontrollet ‘blic’ në çdo qark

Politiko 25 Shtator 2022, 09:37

Bilanci i javës/ Policia: 123 persona u arrestuan, do intesifikojmë

Policia e Shtetit ka bërë bilancin e një jave. Sipas saj, u kryen 23 operacione, janë arrestuar 123 persona, 266 të proceduar penalisht dhe 17 të shpallur në kërkim.

Në njoftimin zyrtar bëhet me dije se janë goditur raste të veprimtarive kriminale në fushën e kontrabandës, të vjedhjeve, abuzimeve me tenderat, narkotikëve dhe emigrimit të paligjshëm.

Ndërsa Policia Rrugore bën me dije se gjatë kësaj jave janë pezulluar 368 leje drejtimi, nga të cilat: 297 për qarkullim me shpejtësi mbi normat e lejuara, 51 për drejtim mjeti nën efektin e alkoolit apo në gjendje të dehur dhe 38 për shkelje të tjera të Kodit Rrugor. Si rrjedhojë, janë arrestuar 56 drejtues mjetesh.

Policia Kufitare/Vijojnë kontrollet, me qëllim parandalimin, evidentimin dhe goditjen e krimeve ndërkufitare. Të angazhuar për t’iu ofruar qytetarëve në hyrje/dalje, në pikat e kalimit kufitar, shërbim sa më cilësor.

Ndërsa shërbimet e Policisë Kufitare kanë  goditur 11 raste të tentativës për kalim të paligjshëm të kufirit dhe të dhënies ndihmë për kalim të paligjshëm të kufirit.

Policia e Shtetit bën me dije do të intensifikojë kontrollet “blic”, në çdo qark të vendit, me qëllim parandalimin e ngjarjeve kriminale, kapjen e personave që qarkullojnë me armë zjarri apo me lëndë narkotike.

Të fundit