Flash News

Fushatë brenda shkollës, Zegjineja e Roskovecit kallëzohet në KQZ

Dhunë ndaj një 14-vjeçari në Komisariat?/ Komiteti i Helsinkit ngre alarmin: U godit me grushta, policia nuk e çoi tek mjeku! Të hetohet

Gjendet celulari i Ilaria Sulës në banesën e ish të dashurit Filipinas

SPAK jep pretencën për 5D-në, kërkon burg edhe për Deborah Keçin dhe vartësit e tjerë të Veliajt

Arrestohet 23-vjeçari në ‘Don Bosko’, u kap me pistoletë gati për ta shitur

E-TJERA

BIRN: Kuvendi zgjedh një bord politik për drejtimin e RTSH

Politiko 17 Mars 2025, 20:14

BIRN: Kuvendi zgjedh një bord politik për drejtimin e RTSH

Fatjon Hoxhalli, 38 vjeç, me një përvojë pune prej gati një dekade si këshilltar i Niko Peleshit në detyrat e tij në ekzekutiv dhe grupin parlamentar të Partisë Socialiste, nga e hëna do të jetë kryetar i Këshillit Drejtues të RTSH-së, një institucion që ligjërisht duhet të jetë i pavarur nga politika.

Bashkë me Hoxhallin, pjesa më e madhe e anëtarëve që u votuan të hënën pas një konsensusi politik mes mazhorancës dhe opozitës, vijnë nga angazhime të drejtpërdrejta ose të afërta me politikën.

Në seancën plenare u votuan si anëtarët e rinj të këtij institucioni Petrit Beci, Rajmonda Bulku, Osman Mula, Bujar Kapexhiu, Robert Budina, Enio Civici, Alket Braho, Lorenc Vangjeli, Pano Xhixho dhe Zamira Kita.

Kriteret për t’u zgjedhur anëtarë janë të hapura për çdo person që ka përvojë pune jo më pak se 10 vjet në fushat e medias në përgjithësi, teknologjisë së medias, artit, kultutës, ekonomisë, drejtësisë, etj., duke ndaluar kandidimin vetëm për anëtarë të partive e shoqatave politike dhe personat me konflikt interesi me detyrën.

Asociacioni i Gazetarëve të Shqipërisë reagoi duke shprehur zhgënjim për votimin në Kuvend dhe e cilësoi votimin mbizotërim të interesat e ngushta partiake mbi interesin publik.

“Anëtarët e Komisionit të Medias dhe më pas të Parlamentit i mohuan sot publikut mundësinë që RTSH të jetë një institucion dinjitoz dhe i pandikuar politikisht,” thuhet në deklaratën e kësaj organizate.

Përveç Hoxhallit, në listën e anëtarëve ka dhe emra të tjerë me lidhje politike.  “Anëtarë të këshillit u zgjodhën dhe zëdhënësi i zëvendëskryetarit të Parlamentit Blendi Çuçi; këshilltari i jashtëm i Kryetares së Kuvendit Elisa Spiropali,  ish-zëvendësministri i Bujqësisë i Partisë Socialiste, një anëtar i Këshillit Kombëtar të PD-së dhe një ish-deputete e PD-së”- thuhet në deklaratën e AGSH-së.

Procedurat për këshillin e ri u hapën pasi Komisioni parlamentar për Edukimin dhe Mediat vendosi të shkrijë këshillin paraardhës, duke e akuzuar për shkelje ligjore dhe konflikt interesi në procedurat e nisura për zgjedhjen e drejtorit të ri të RTSH-së.

Pas miratimit në Kuvend, ky këshill do të zgjedhë drejtorin e ri të RTSH-së, një vend i mbetur bosh që pas dorëheqjes së drejtorit të mëparshëm i RTSH-së, Alfred Peza, zgjedhja e të cilit gjithashtu u kontestua për shkak të karrierës së tij të gjatë politike pranë Partisë Socialiste.

Peza u përball me kritika për shkarkime masive nga puna të gazetarëve dhe punonjësve të këtij institucioni gjatë një viti që mbajti detyrën.

Transmetuesi publik është në teori një institucion politikisht i pavarur, por bordi drejtues zgjidhet nga parlamenti me një formulë ku dy partitë kryesore përzgjedhin kandidatët e tyre të preferuar. Reporter.al

Të fundit