Flash News

Dalin shifrat nga KQZ: 42.16% e shqiptarëve brenda vendit votuan në zgjedhjet parlamentare

Nis numërimi i votave në Pustec, përfshihen edhe votat e diasporës

Zyra sekrete e patronazhistëve të PS, mes tyre drejtoresha e Agjencisë së Ekselencës

Me kapuç në kokë/ PD publikon videon e patronazhistëve që ikin me vrap

Zgjedhjet 2025, përfundon zyrtarisht orari i votimit

E-TJERA

Biseda telefonike Rama-Sunak, ‘The Times’ zbërthen planin për emigrantët e paligjshëm

Politiko 2 Dhjetor 2022, 13:46

Biseda telefonike Rama-Sunak, ‘The Times’ zbërthen planin

Kryeministri Edi Rama dhe homologu i tij britanik  Rishi Sunak zhivlluan pasditen e djeshme një bisedë telefonike ku në fokus ishin jo vetëm marrëdhëniet diplomatike mes dy vendeve, por edhe emigracioni i paligjshëm i cili është kthyer në një shqetësim për Britaninë e Madhe.

‘The Times’ ka treguar planin e mundshëm për të cilin dyshohet që Rishi Sunak dhe Rama të kenë diskutuar në biesedën telefonike. Sipas medias angleze, emigrantët e paligjshëm nga Shqipëria mund të kthehen në vendin e tyre përpara se të shqyrtohen ankesat kundër kërkesave të refuzuara për azil.

“Shqiptarët të cilët abuzojnë me ligjin britanik të skllavërisë moderne për të shmangur dëbimin, mund të kthehen në Shqipëri dhe pretendimet e tyre si viktima të skllavërisë moderne do të mund të shqyrtohen në vendin e tyre”, thuhet në artikull.

Planet pritet të jenë pjesë e një marrëveshjeje të re të kthimit të shpejtë, e cila mori edhe një hap pozitiv pas bisedës telefonike mes dy kryeministrave.

Dyshja ranë dakord se duhet bërë më shumë për të trajtuar migracionin e paligjshëm dhe krimin e organizuar. Sunak dhe Rama diskutuan për mbylljen e çështjeve që po pengojnë kthimin e shpejtë të azilkërkuesve.

Mediat angleze kanë raportuar thuajse çdo ditë se ka pasur një rritje të numrit të shqiptarëve që hyjnë ilegalisht në Britaninë e Madhe përmes varkave gomoneve, sidomos këtë vit.

Rreth një e katërta e 43,400 emigrantëve që kanë kaluar Kanalin kanë qenë nga Shqipëria.

E para që akuzoi emigrantët shqiptarë se shfrytëzonin statusin e skllavërimit modërn ishte Sekretarja e Brendshme Suella Braverman. Ajo tha se shqiptarët po pretendojnë se janë pjesë e kategorisë së skllavërimit modern për t’u identifikuar si azilkërkues.

 

Të fundit