Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Bleu shtëpinë në ankand bankar, ish-pronari e zapton dhe ndërron bravën

Politiko 15 Maj 2025, 21:33

Bleu shtëpinë në ankand bankar, ish-pronari e zapton dhe

Disa ditë më parë qytetarja B.L denoncoi në “Stop” shtetasin nga Ksamili Agron Lile, pasi ky i fundit i ka zaptuar shtëpinë.

Zonja tha se i ati, që punon e jeton në emigracion, i ka blerë një shtëpi në Ksamil 25 metra katrorë godinë një-katëshe dhe truall. Prona u ble në një ankand bankar, pasi Agron Lile që e kishte lënë kolateral, nuk e kishte paguar.

Sot zonja disponon certifikatën e pronësisë, por nuk e gëzon dot asnjë ditë pronën e saj, pasi ish-pronari ka ndërruar bravat, duke lënë dhe një qytetar brenda me qira. Çështja ka shkuar në prokurorinë e Sarandës, por prokurorja Valbona Maja ka dalë me vendimin e mosfillimit të hetimeve edhe pse i akuzuari ka kryer vetëgjyqësi, mosdeklarim të ardhurash dhe falsifikim dokumentesh.

IMT Sarandë ka konstatuar ndërtim pa leje në objekt, por nuk ka ndërhyrë, pas vendimit të prokurores. Ish pronari përdor si alibi dy ndërtime pa leje, që i ka bërë objektit vite më parë, të cilat i ka deklaruar tek Aluizni, por nuk ka marrë përgjigje. Ai madje ka tentuar, t’ia shesë 30 mijë euro zonjës, shtesat pa leje e pa titull pronësie.

Vetë ish-pronari Agron Lile pranon, që e ka zaptuar me vetëgjyqësi pronën e zonjës B.L, duke përmendur sërish shtesat, që ka bërë.

“Me sa duket organi i akuzës duhet të reflektojë, duhet që të fillojë një hetim sepse në raste të tilla. Ka pasur dhe rast, ku konfliktet kanë agravuar. Prokuroria, gjykata, policia dhe institucione të tjera, duhet të që konfliktet të mos agravojën dhe jo të më të lejojnë që me vendimet e tyre personat të shqyejnë dyert, të futen në derën e tjetrit”, tha avokati.

Meqë policia dheprokuroria nuk i dhanë zgjidhje për 4 vjetkëtij absurditeti, “Stop” ndoqi një strategji tjetër ligjore, për të bërë të mundur në bashkëpunim me Kadastrën Sarandë, të skualifikimit të dy shtesave pa leje, të vetëdeklaruara për legalizim.

“Sot ka qenë dita që ka ardhur grupi i ekspertëve dhe ka bërë matjet në terren, për të konstatuar se si është e organizuar dhe cilat janë shtesat. Praktikisht janë dy mure, vetëm muret sepse është e ndërtuar në sipërfaqen e truallit që unë e gëzoj me hipotekë dhe tani jam në pritje pasi janë bërë matjet për skualifikimin e kërkesës së aplikimit që ka bërë zotëria në fjalë. Unë e dija që do të vinte kjo ditë, por nuk e dija se sa e afërt dhe e largët do të ishte. Unë jam e befasuar me kohën rekord në të cilën janë vënë në lëvizje institucionet pas kërkesës suaj, sepse unë aplikimet e mia i kisha bërë në mënyrë konstante dhe të vazhdueshme dhe kam shkuar në çdo derë institucioni ashtu siç edhe ligji e lejon. Kaloja nga një institucion në tjetrin dhe mu duk vetja gati-gati si një top ping-pongu, derisa erdhët ju dhe tani më në fund kemi një zgjidhje”, tha denoncuesja./tvklan.al