Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Blinken ra në një grackë", Semanjaku: Shqipëria në 14 vitet e Ramës është përballur me rritje të krimit

Politiko 7 Prill 2026, 22:55

"Blinken ra në një grackë", Semanjaku: Shqipëria

Ish-studenti i Harvardit, Fation Semanjaku vuri në pikëpyetje vendimin për sanksionimin e Sali Berishës nga ish-Sekretari Amerikan i Shtetit, Antony Blinken.

Duke folur në Syri tv, ai tha se Blinken ra në një grackë dhe argumentoi se vendimi nuk është i mbështetur në një analizë të drejtë, duke renditur tre momente kohore që, sipas tij, delegjitimojnë këtë veprim.

Semanjaku ngriti gjithashtu akuza politike lidhur me situatën në Shqipëri dhe rolin e administratës amerikane, duke e konsideruar vendimin si të ndikuar dhe të pambështetur në realitetin politik të vendit.

Fation Semanjaku: Blinken ra në një grackë, pavarësisht cilësisë së pyetjes që ju e vini në diskutim, ra në një grackë të cilën nuk ja ngrita, duke ju përgjigjur një pyetje të cilën nuk ja bëra, rreth një vendimi të cilin nuk e ka marrë ai. Ka tre momente kohore kontradiktore që e delegjitimojnë vendimin e paargumentuar dhe arbitrar të Blinken për, le të themi të departamentit të Sorosit, për doktor, për të sanksionuar doktor Berishën. Momenti i parë është momenti ku vetë Berisha gjendej në kohën e sanksioneve. Një dekadë më herët, ai, me një gjest tërësisht kalorsiak, kishte humbur zgjedhjet, ose më mirë të themi, nuk i kishte fituar. Ishte një deputet i thjeshtë në parlamentin shqiptar, që ndante herë pas here me ne statuse në Facebook, në mbrojtje të interesit publik siç e mendon doktori. Dhe ka të drejtën e tij ta bëjë këtë.

Momenti i dytë, Adi, është momenti në të cilin gjendej Shqipëria. Në 14 vitet e sundimit të Edi Ramës, Shqipëria e tij ka gjelbëruar nga hashashi, ka zbardhuar nga kokaina dhe ka nxirë nga krimi i organizuar dhe korrupsioni galopant. Aq sa detyron departamentin e shtetit që njëheraz me urimin për festën e çlirimit, të na kujtojë që të bëjmë edhe pak kujdes me bandat.

Mirëpo për Blinken, këto jo vetëm që nuk shihen si probleme, po madje janë edhe komponentë të rëndësishëm që përbëjnë një lider siç e quan ai të shquar. Momenti i tretë është edhe më rëndues për djalin e keq, siç e quan departamenti i shtetit të vet tashmë, Blinken-in, sepse një tjetër sekretar shteti amerikan, në kohën kur Partia Demokratike ishte në pushtet, në 2012-ën, ishim në apogje, vjen këtu, sekretar amerikan i shtetit, po do e majtë, po do edhe fasha e Sorosit në të majtën amerikane, dhe thotë, pas një fjalimi mbresëlënës në parlamentin shqiptar, se demokracia në Shqipëri, kjo e Sali Berishës, jo vetëm që funksionon, por është një shembull për t'u marrë, për ata që kanë memorie, nga vendet rreth e rrotull.