Flash News

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Tri mënyra të mirëprovuara për të demontuar një autokrat

Trafikimi i qenieve njerëzore/ Zbulohen 4 laboratorë me pasaporta shqiptare të falsifikuara në Greqi

E-TJERA

Boris Johnson premton amnisti për emigrantët, avokati shqiptar tregon se kush përfiton

Politiko 23 Mars 2021, 11:47

Boris Johnson premton amnisti për emigrantët, avokati shqiptar tregon

Kryeministri britanik Boris Johnson deklaroi javën e kaluar se shumë shpejt do të marrë një vendim për emigrantët që jetojnë në Britani, duke u shprehur se ka ardhur koha se ata që jetojnë aty pa dokumente, por që nuk kanë shkelur ligjin, duhet të përfitojnë nga shteti dhe të mos jetojnë në mënyrë ilegale.

Kjo amnisti për emigrantët do të prekë edhe mijëra shqiptarë që jetojnë prej vitesh në Britaninë e Madhe, por që janë të privuar nga shumë të drejta si pasojë e mungesës së dokumenteve.

Naim Hasani, avokat në Gjykatën Supreme në Britaninë e Madhe tregoi në “Wake Up” se nga amnistia përfitojnë personat që janë sjellë mirë, që nuk kanë rekorde kriminale dhe që kanë disa vite që jetojnë në Britani. 

“Deklaratat e Boris Johnson janë pak të vonuara me thënë të drejtën, sepse zoti Johnson ka qenë një avokat i mirë i emigrantëve dhe dhënies së një amnistie për emigrantët e paligjshëm qëkur ishte kryebashkiak i Londrës.

Jemi në një situatë ku fuqia punëtore nga Bashkimi Europian po shkurtohet masivisht, në mënyrë drastike. Prandaj qeveria britanike kërkon të gjejë fuqi punëtore. Shpresoj që kryeministri Johnson ta kalojë në ligj dhe t’u jepet drita jeshile shqiptarëve dhe të gjithë emigrantëve që jetojnë në Britani.

Zoti Johnson e ka thënë shumë qartë, përfitojnë personat që janë sjellë mirë, të mos kenë rekorde kriminale, të kenë disa vite që jetojnë në Britani, mund të jetë 5-10 vite. Ajo që është e rëndësishme është si do ta provojnë ata që kanë jetuar ilegalisht në Britani që nuk kanë asnjë lloj dokumenti si punojnë dhe jetojnë.

Kriteret do të jenë shumë të sakta, e dinë që njerëzit nuk kanë evidenca. Mund të jenë ata që u është refuzuar azili ose ata që kanë aplikuar për leje qëndrimi me martesa, por u është refuzuar”, tha avokati.

Të fundit