Flash News

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

“Giro d’Italia 2025” nesër në Vlorë/ Policia shpall masat e qarkullimit dhe parkimit për qytetarët

Gjendet pas 6 ditësh trupi i pajetë i 29-vjeçarit në Klos

E-TJERA

Bosi i kokainës, Agim Çerma i dënuar me burgim të përjetshëm në Shqipëri, la qelinë në rrethana të paqarta

Politiko 20 Korrik 2021, 13:44

Bosi i kokainës, Agim Çerma i dënuar me burgim të

Agim Çerma, i njohur dhe si “Jimmy”, i cili u arrestua dy ditë më parë nga DEA amerikane si bosi i trafikut të kokainës në Kolumbi, rezulton të jetë i dënuar në Shqipëri me burgim të përjetshëm për një vrasje të regjistruar në vitin 1997 në Elbasan.

Në atë kohë ai u arrestua së bashkua me vëllain e tij, Gazmend Çerma, pasi u akuzuan për vrasjen e Gëzim Liçit dhe plagosjen e efektivëve të policisë. Në vitin 1998, Gjykata e Shkallës së Parë Elbasan e dënoi Agim Çerman me burgim të përjetshëm për vrasje me dashje, ndërsa të vëllain, Gazmendin me 11 vite burg. 

Ky i fundit e ankimoi këtë vendim në Apelin e Durrësit, kërkesë qe iu refuzua. Në ankimimin e bërë prej tij, Gazmend Çerma ia kalon përgjegjësinë të vëllait, Agimit, duke argumentuar se nuk kishte dijeni se i vëllai i tij kishte armë me vete dhe se do të kryente vrasjen.

Edhe Agim Çerma e ankimoi në Apelin e Durrësit vendimin me burgim të përjetshëm nga Gjykatat e Elbasanit. Kjo kërkesë i është refuzuar nga Apeli i Durrësit dhe Gjykata e Lartë. Ndërsa Kushtetuesja ia kaloi Shkallës së Parë në Elbasan për rigjykim. Gjykata e Elbasanit ia kaloi çështjen Gjykatës së Lezhës, pasi Agim Çerma po e kryente dënimin në burgun e Shënkollit.

Në vitin 2012, Gjykatat e Lezhës liroi me kusht në rrethana ende të paqarta, Agim Çermën dhe lirimi i tij mban firmën e gjyqtares Parashqevi Ademi. Kjo e fundit, në 2015-ën, është arrestuar për korrupsion dhe shpërdorim detyre dhe ish Gjykata e Krimeve të Rënda e dënoi me 4 vite burg.

Agim Çerma u arrestua dy ditë më parë brenda shtëpisë së tij në qytetin Palmira, Kolumbi dhe sipas autoriteteve kolumbiane, trafikanti shqiptar ishte në krye të veprimtarisë kriminale dhe bashkëpunonte me grupet më të rrezikshme të Kolumbisë. Në pranga u vunë dhe 4 bashkëpunëtorët e tij, ndërsa iu gjetën dhe sekuestruan 333 kilogramë kokainë dhe 2 miliardë pesos, rreth 450 mijë euro.

Çerma merrte paratë nga Europa për blerjen e kokainës dhe më pas garantonte dërgimin e drogës me avionë charter në SHBA por edhe Europë në Bullgari nga fluturimet përmes aeroporteve ndërkombëtare. Për trafikun e kokainës ata përdornin edhe portet detare kolumbiane, ku droga fshihej në kontenierët e mallrave.

Mediat kolumbiane shkruajnë se shqiptari bashkëpunonte me “Clan del Golfo” (kartel kolumbian i drogës) në rajonin e Urabá dhe me “FARC” (Forcat e Armatosura Revolucionare të Kolumbisë) në pjesën jugperëndimore të vendit për të blerë kokainë dhe për ta transportuar, ndërsa kishin korruptuar kontrollorët ajrorë të trafikut për të lëvizur të qetë.

Bosi i kokainës, Agim Çerma i dënuar me burgim të

Të fundit