Bota e futbollit në zi, miq dhe tifozë mesazhe pikëllimi për Maradonën

Bota e futbollit u trondit mbrëmjen e djeshme nga humbja në moshën 60 vjeçare e legjendës së futbollit, Diego Armando Maradona, pas një arresti kardiak.

Ndërsa mesazhet ngushëlluese për ikjen e lojtarit më të madh të të gjithë kohërave, janë të shumta, në Napoli, qyteti ku ai konsiderohet një Zot, pas viteve të tij të kaluara, njerëzit kanë dalë në shesh dhe po nderojnë figurën e tij. Gjithashtu njerëzit kanë ndezur qirinj në nder të "El Pibe de Oro".

Yjet e sotëm të futbollit, Lionel Messi dhe Cristiano Ronaldo "as nuk do të mund ta ëndërrojnë" të jenë aq të adhuruar sa ishte Diego Maradona, thotë ish-shoku i tij i skuadrës së Argjentinës, Ossie Ardiles.

Tri ditë zie kombëtare kanë filluar në Argjentinë pasi Maradona ndërroi jetë mbrëmë, njofton BBC.

Trupi i tij do të qëndrojë në ruajtje në Casa Rosada, në selinë e qeverisë së Argjentinës, gjatë kësaj kohe.

"Të ishe Diego Maradona do të ishte pabesueshëmërisht e jashtëzakonshme. Por nga ana tjetër, nuk ishte aspak e lehtë. Që nga një moshë vërtet e hershme, ai ishte objekt i shtypit gjatë gjithë kohës. Ai nuk kishte një fëmijëri normale, ai kurrë nuk pa vite normale adoleshence. Të gjithë donin të ishin me të, të gjithë donin një pjesë nga ai, kështu që ishte tepër e vështirë", i tha Ardiles BBC.

Maradona, i cili luajti për klube si Barcelona dhe Napoli, ishte kapiten kur Argjentina fitoi Kupën e Botës 1986, duke shënuar golin e famshëm 'Dora e Zotit' kundër Anglisë në çerekfinale.

Tifozët në të gjithë botën kanë përjetuar dhimbjen e thellë me vdekjen e legjendës së futbollit. Në këto fotografi të Reuters, përmblidhen e miliona njerësve dhe fëmijëve që e kishin konsideronin si idhull Maradonën.

Edhe shumë futbollistë të njohur si Messi,Roanldo, Ibrahimovic e Pele kanë shprehur keqardhjen e tyre për shuarjen nga jeta të legjendës së futbollit.