Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Braverman paralajmëron burgosjen e avokatëve që ndihmojnë emigrantët e paligjshëm në Britani

Politiko 6 Gusht 2023, 11:05

Braverman paralajmëron burgosjen e avokatëve që ndihmojnë

Sekretarja e Brendshme e Britanisë, Suella Braverman pas kërcënimeve për emigrantët tani u është kthyer avokatëve të cilët mbrojnë azilkërkuesit.

Duke folur për nevojën që Britania të shihet si një “mjedis armiqësor” për azilkërkuesit, Sekretarja e Brendshme shtoi se ata që paraqesin pretendime të rreme për azil dhe të drejtat e njeriut në emër të emigrantëve të paligjshëm duhet të burgosen.

Braverman, u shpreh se një qëndrim i tillë do të pengonte “kriminelët dhe mashtruesit” që përpiqen të mashtrojnë sistemin.

Ajo gjithashtu vuri në dukje se legjislacioni ekzistues ligjor tashmë lejon dënime të përjetshme për ata që ndihmojnë në mënyrë të paligjshme emigrantët.

 “Këta të ashtuquajtur avokatë të imigracionit, të cilët janë ekspozuar shumë fuqishëm si kriminelë dhe mashtrues, duke i trajnuar emigrantët se si të gënjejnë për të kaluar sistemin tonë, si të luajnë sistemin tonë, si të luajnë rregullat tona, ata po mashtrojnë popullin britanik. ”, tha Braverman.

“Kam punuar vetë si avokat para se të isha deputete, duke mbrojtur Home Office në çështjet e emigracionit dhe e di se me çfarë kemi të bëjmë këtu përsa i përket problemit.

“Ne kemi tashmë ligjet në fuqi, të cilat mund të përdoren me anë të të cilave nëse po ndihmoni një migrant ilegalisht, mund të burgoseni përgjithmonë.”

Sekretarja e Brendshëm shtoi më tej: “Ne duhet të sigurojmë që ndaj kësaj lloj sjelljeje të mos bëhet një sy qorr, por, në fakt, të kemi një mjedis armiqësor për ata që kërkojnë të minojnë dhe thyejnë rregullat tona.”

Deklaratat e  Braverman u bënë pas lajmit se bandat e trafikimit të njerëzve shqiptarë po u ofrojnë kriminelëve mundësinë për të ikur nga Britania përtej Kanalit për një çmim prej 2500 paund.

 

Të fundit