Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Britania shpenzon 1 milion paund për dëbimin e 47 shqiptarëve me avion privat

Politiko 11 Shkurt 2025, 20:51

Britania shpenzon 1 milion paund për dëbimin e 47 shqiptarëve me

Britania e Madhe ka shpenzuar plot 1 milion paund për dëbimin e 47 shqiptarëve të dënuar nga autoritetet britanike, të cilët u larguan drejt Shqipërisë me një avion privat. Lajmi bëhet i ditur nga “The Telegraph”, pas publikimit të pamjeve nga Ministria e Brendshme britanike, ku shihen emigrantët duke hipur në avion të shoqëruar nga forca sigurie.

Sipas raportimeve, kostoja për çdo të dëbuar ka qenë rreth 22 mijë paund, duke përfshirë përdorimin e një avioni të kontraktuar nga një linjë ajrore private, pagesën për tre shoqërues sigurie për çdo emigrant, si dhe mbulimin e shpenzimeve për transportin e tyre në gjykata dhe aeroport. Në video shfaqen deri në pesë punonjës sigurie me jelekë të verdhë dhe kamera në trup, të cilët shoqërojnë secilin prej të dëbuarve.

Ky fluturim është pjesë e përpjekjeve të qeverisë britanike për të demonstruar një qëndrim të ashpër ndaj migracionit të paligjshëm, një temë e cila ka ndezur debate të shumta në Britani. Sir Keir Starmer, kreu i opozitës laburiste, synon të shmangë presionin politik nga reforma e Nigel Farage, duke treguar vendosmërinë e qeverisë për largimin e emigrantëve pa të drejtë qëndrimi.

“The Telegraph” raporton se Zyra e Brendshme britanike ka kërkuar të mos publikohen detaje mbi linjën ajrore, numrin e regjistrimit të avionit apo vendndodhjen e aeroportit, për të parandaluar protesta të mundshme kundër fluturimeve të dëbimit. Në të kaluarën, fluturime të ngjashme janë përballur me kundërshtime të forta, si rasti i një dëbimi drejt Xhamajkës në vitin 2021, ku deputetët laburistë iu bashkuan protestave, duke ndaluar largimin e 33 personave në minutën e fundit.

Të fundit