Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Bruceloza, tuberkulozi e gripi i shpendëve, veterinerët: Do të kryhet vaksinim masiv

Politiko 9 Janar 2025, 19:39

Bruceloza, tuberkulozi e gripi i shpendëve, veterinerët: Do të

Bruceloza, tuberkulozi, murtaja afrikane e derrave e deri tek gripi i shpendëve janë disa nga sëmundjet më të përhapura që po qarkullojnë në vend duke prekur si gjedhët, të imëtat por dhe shpendët. Një vaksinim masiv është parashikuar në disa prej kategorive bazuar edhe në rrezikshmërinë që ndodhen.

Deri në një vaksinim masiv, Shqipëria ka marrë një sërë masash për izolimin e vatrave por dhe bllokimin e importit së fundmi edhe nga 10 shtete të tjera të prekura.

“Faktikisht masat janë marrë në kontrollin e vatrës dhe kontrollin e lëvizjeve të derrave dhe nga vende që janë të prekura nga kjo sëmundje. Ne kemi ferma oborresh që e vështirëson punën e veterinerëve. Bruceloza, Shqipëria ka vite që aplikon programe vaksinimi por risia është se vitin e ardhshëm do jetë vaksinimi masiv për kafshët. Për të cilën do të ketë shumë punë”, tha mjeku veteriner Kujtim Mersini per A2CNN.

Ndonëse vaksinimi po kryhet pjesërisht në zonat e prekura, si bruceloza tuberkulozi apo dhe gripi i shpendëve shfaqin rreziqe për t’u transmetuar tek njerëzit.

“Ka 2 programe kombëtare i brucelozës në gjedhë dhe të imëta dhe i tuberkulozit në gjedhë. Sëmundjet qarkullojnë ka dhe raste në njerëz se janë specifikisht sëmundjet që i prekin njerëz dhe kemi raste herë pas here”, theksoi veterineri.

Por për sa kohë do të vijojë Shqipëria të preket nga këto sëmundje në vend.

“Janë sëmundje endemike kanë qenë janë dhe do të jenë për një kohë të gjatë dhe do kërkojnë shumë kohë. Të mësohemi me këto sëmundje por pa neglizhuar masat e nevojshme”, vijoi Mersini.

Sipas INSTAT janë rreth 263 mijë gjedhë në vendin tonë, 1.2 milionë të leshta, 640 mijë të dhirta dhe 115 mijë derra.

 

Të fundit