Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

Bugajski: Bojkoti i Parlamentit vonoi anëtarësimin e Shqipërisë në BE, s’ka konsensus kombëtar

Politiko 22 Shtator 2022, 12:01

Bugajski: Bojkoti i Parlamentit vonoi anëtarësimin e

Analisti i politikës së jashtme dhe njohësi i mirë i Ballkanit, Janusz Bugajski, në konferencën me rastin e 100-vjetorit të marrëdhënieve Shqipëri-SHBA, ka folur rreth situatës së politikës shqiptare.

Bugajski tha se polarizimi i krijuar mes PS-së dhe PD-së, ka bllokuar konsensusin kombëtar që nxit edhe zhvillimin e vendit. Analisti nënvizon bojkotin që deputetët i bëjnë seancave plenare në Parlament duke theksuar se kjo ka çuar në vonesën e anëtarësimit në BE, çka ka shqetësuar SHBA-në.

“Në 25 vitet e fundit dy faktorë kryesorë në politikën shqiptare kanë shkaktuar shqetësime në Uashington. Pikësëpari polarizimi i fortë i PD dhe PS-së që shpesh herë ka ndaluar konsensusin kombëtar dhe pengoi zhvillimet pozitive të vendit. Ka patur bojkotim të parlamentit dhe kjo ka çuar në vonesën e anëtarësimit të Shqipërisë në institucionet europiane. Ka pasur korrupsion zyrtar, ekonomi në vështirësi dhe partitë janë përpjekur të ushtrojnë patronazh në institucionet publike, ka pasur transparencë të munguar në marrëdhëniet e politikës me biznesin”, tha Bugajski.

Bugajski u fokusua edhe te lufta ruse në Ukrainë dhe rreziku që i vjen vendeve të Ballkanit Perëndimor nga faktori serb dhe paqëndrueshmëria e presidenti Aleksandër Vuçiç. Bugajski shton se Serbia është njëfarë kërcënimi edhe për Shqipërinë.

“Zemra e konfliktit është gjendja e papërcaktuar e Serbisë qeveria e këtij shteti udhëhiqet nga Vuçiç dhe tashmë kanë ringritur dhe njëherë shqetësime në rajon si për shembull pretendime territoriale në Bosnje Hercegovinë, apo edhe në Malin e Zi, një farë kërcënimi edhe për Shqipërinë për sa kohë që Serbia vazhdon mosnjohjen e Kosovës si shtet i pavarur për shumë shqiptarë. Qëndrueshmëria e dialogut nëpërmjet Beogradit dhe Prishtinës, mosnjohja e Kosovës nga 5 vende anëtare të Bashkimit Europian dhe pamundësia e Kosovës për të hyrë në disa institucione ndërkombëtare”, shtoi analisti.

Të fundit