Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Bushati: Ahmetaj i vetmi që i ka shpëtuar kthetrave të SPAK dhe po ndriçon publikun

Politiko 10 Mars 2025, 22:17

Bushati: Ahmetaj i vetmi që i ka shpëtuar kthetrave të SPAK dhe

Analisti Andi Bushati hoqi një paralele mes çështjeve të ish zv.kryeministrit Arben Ahmetajt dhe kryebashkiakut Erion Veliajt, i pari në kërkim, i dyti në arrest. 
I ftuar në Syri tv, ai vuri ne dukje diferencat në qasjen e tyre ndaj drejtësisë dhe qeverisjes. Sipas Bushatit, qëndrimi i Ahmetajt është më koherent, pasi ai e sheh drejtësinë si një mekanizëm të kapur nga kryeministri, ku vendimet merren në bazë të interesave politike.

"Ndahen në një pikë, dhe pavarësisht se kush ka të drejtë dhe kush ka gënjeshtër, Ahmetaj e ka më koherente, sepse Ahmetaj thotë: 'Unë kam jetuar dhe kam punuar në një drejtësi të kapur nga kryeministri, një shtet autokratik i them unë, dhe kjo është drejtësia ku kryeministri ose të fut në burg ose të shpeton'. Nuk ka rëndësi sa e vërtetë apo sa e drejtë është kjo, por është një linjë koherente.

Kurse linja e Veliajt është një linjë që nuk bind askënd, sepse Veliaj thotë: 'Edhe kemi bërë drejtësi, edhe këta janë kolegët që punojnë shumë mirë'. Pra, do të mbrojë edhe linjën e Ramës, edhe të PS-së, por mua, thotë, më kanë qëlluar 2 të vetmit të cilët po ma bëjnë me hile, që janë kamikazët e Saliut.

Pra, drejtësia prapë ngelet e mirë, por brenda një drejtësie të mirë, thotë Veliaj, numri 2 i Partisë Socialiste mund t’i bëhet padrejtësi.

Logjikisht, kjo nuk funksionon. Dhe për ta bërë pak më populiste këtë, Veliaj është futur në këto: Jo Olsi Dado, jo ka marrë leje ndërtimi, jo e ka personale, jo violinist etj., etj., ndërkohë që Ahmetaj thotë: Unë e kam nga Rama. Shkoni kapni deklaratën e Ramës: “Po të isha unë prokuror dhe gjykatës, ja bëja më keq”.

Ndoshta mund të jetë rastësi, por i vetmi njeri që i ka shpëtuar kthetrave të SPAK-ut po ndriçon publikun.

Pse s’ka folur Alqi Bllako, Lefter Koka, Erion Veliaj? Kanë heshtur, thonë: Sa dënim na jep partia? Po ruajtëm ndonjë lek, qarë e kemi.

Ahmetaj është i vetmi që i shpëtoi kthetrave të SPAK-ut, nuk bëri burgun e SPAK-ut dhe po flet", u shpreh Bushati. 

Të fundit