Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

E-TJERA

Celibashi flet për ndryshimet në Kodin Zgjedhor: Të reflektohet votimi i emigrantëve

Politiko 27 Shkurt 2024, 12:41

Celibashi flet për ndryshimet në Kodin Zgjedhor: Të reflektohet

Komisioneri Shtetëror Ilirjan Celibashi ka folur në Komisionin e Reformës Zgjedhore për disa ndryshime në Kodin Zgjedhor.

Celibashi kërkoi që të reflektohet në Kodin Zgjedhor, vendimi i Gjykatës Kushtetuese që urdhëron votimin e emigrantëve.

“KQZ është një institucion që tashmë ka një konfigurim të ndryshëm nga ajo ça ne jemi mësuar ta shohim më parë. Sikurse kam bërë me dije edhe në letrën dërguar kryetarëve të partive politike, nevojë për të diskutuar dhe adresuar dy vendimet e Gjykatën Kushtetuese që kanë të bëjnë i pari me votimin e emigrantëve dhe i dyti me shfuqizimin e dispozitës së Kodit Zgjedhor që ka të bëjë me kufirin prej 10 mijë votash për mandatin. Unë kam konsideruar nevojën për ta sjellë në vëmendjen tuaj. Pa u hyrë detajeve, po paraqes një listë të aspekteve të ndryshimeve në Kod që duhet të adresohen”, tha Celibashi.

Celibashi u ndal te votimi elektronik, ku tha se fillimisht duhet të merret një vendim politik dhe më pas të përllogariten dhe kostot e shtrirjes së tij në të gjithë territorin e vendit.

“Votimi elektronik do duhet të merret një vendim politik më së pari. Ka vullnet për të shtrirë bazuar në eksperiencën e deritanishme. Në një lloj mënyrë si komisoner, edhe brenda KQZ kemi pikëpamje të ndryshme, edhe unë e mbështes në parim shtrirjen më gjerë të votimit elektronik nga sa ne jemi duke e aplikuar. Nuk jam shumë i bindur që duhet ta shtrijmë menjëherë në gjithë territorin, por nëse politika dakordësohet dhe thotë po ka dobi që të shtrihet në gjithë territorin, do duhet të mbani në vëmendje dy faktorë, kostot dhe faktorin njeri. Në lidhje me njerëzit që do merren me aspektin teknik të zhvillimit të këtij procesi. Edhe pse pati deri diku kontestime të forta në lidhje me zhvillimin e votimit elektronik, veçanërisht në Elbasan, nga verifikimi patëm përputhshmëri 100% me fletët e votimit dhe votat dixhitale”, tha ai.

 

Të fundit