Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

KQZ mesazh partive politike: Kandidatët të jenë pa rekorde kriminale, minojnë zgjedhjet. Kujdes të dhënat e qytetarëve

Politiko 16 Mars 2023, 10:31

KQZ mesazh partive politike: Kandidatët të jenë pa rekorde

Komisioneri Shtetëror, Ilirjan Celibashi, ka renditur disa nga problemet që shoqërojnë procesin zgjedhor në Shqipëri.

Në një tryezë me temë “Mbrojtja e integritetit zgjedhor në Shqipëri”, Celibashi tha se partitë politikë duhet të garantojnë që kandidatët e zgjedhur për të kandiduar në zgjedhjet vendore të 14 majit, duhet të jenë kandidatë të pastër, pa rekorde kriminale.

Sipas Celibashit, zgjedhja e kandidatëve të papërshtatshëm me rekorde në shkeljen e ligjit, do të çonte në pasoja si korrupsioni dhe nepotizimi.

“Thelbësore është që kandidatët që do t’u paraqiten qytetarëve të jenë individë të përshtatshëm e me integritet që t’u shërbejnë interesave të zgjedhësve. Një kandidat i përshtatshëm zotëron kualifikime zotësitë dhe atributet e nevojshme për të mbajtur poste publike, janë individë që kanë një histori të dëshmuar të sjelljes së tyre etike, integritetit dhe respektit për shtetin e së drejtës. Dikush që është i aftë të marrë vendime që të ndihmojë e bashkëpunojë me zgjedhësit. Zgjedhja e kandidatëve të pastër ligjërisht është thelbësore për funksionimin e duhur të një shoqërie demokratike. Zgjedhja e kandidatëve të papërshtatshëm me rekorde të shkeljes së ligjit, veçanërisht në atë penal mund të ketë pasoja të rënda për procesin demokratik. Zgjedhja e kandidatëve të papërshtatshëm mund të çojë në një sërë pasojash të rënda përfshirë korrupsionin dhe nepotizmin”, u shpreh ai.

Celibashi nënvizoi se kandidatë të cilët nuk kanë aftësitë e duhura për të përfaqësuar qytetarët duke u përfshirë në aktivitete që bien ndesh me ligjin, do të rrezikonte integritetin e zgjedhjeve dhe do të minonte legjitimitetin e tyre. Komisioneri bëri thirrje të tregohet kujdes me të dhënat e qytetarëve në zgjedhje.

“Kjo gërryen besimin e publikut në procesin zgjedhor e minon legjitimitetin e qeverisë së zgjedhur qoftë qendrore dhe ajo lokale. Shkeljet ose keqpërdorimi i të dhënave mund të dëmtojë qytetarët dhe të rrezikojë integritetin e procesit zgjedhor. Përdorimi i të dhënave mund të çojë në krijimin e profileve digjitale të votuesve që mund të përdoret për t’i targetuar ata me mesazhe të personalizuara politike dhe elektorale. Ky lloj shenjestrimi mund të jetë ndërhyrës dhe manipulues”, deklaroi Celibashi.