Celibashi: Të infektuarit me Covid-19 nuk mund të votojnë, nuk e lejon kodi zgjedhor

Të infektuarit aktiv me COVID-19 nuk do të ushtrojnë të drejtën e votës në zgjedhjet e 25 prillit. Këtë gjë e ka konfirmuar komisioneri Shtetëror për Zgjedhjet, Ilirjan Celibashi, pasi sipas tij vendi ynë nuk e ka sistemin e dërgimit të kutive të votimit në shtëpi dhe kodi e përcakton qartë që e drejta e votës ushtrohet vetëm në qëndrat e votimit.

“Për sa i përket atyre qytetarëve që me të drejte vote nuk e kanë të mundur që të dalin dhe të vijnë për të votuar në momentin që flasim nuk e kemi një zgjidhje. Kodi zgjedhor e ka përcaktuar të qartë që ccdo njëri prej votuesve do të duhet ta ushtrojë këtë të drejtë në qëndrën e votimit. Ne nuk e kemi prej 20 vitesh sistemin e dërgimit të kutive të votimit tek ata qytetarë që për arsye shëndetësore nuk e kishin të mundur që të dilnin nga shtëpitë e tyre.”-tha Celibashi në emisionin "Përballë".

Celibashi shtoi më tej se KQZ po merr të gjitha masat që në qëndrat e votimti dhe ato të numërimit të respektohet rregullorja anti Covid-19.

“Për sa i përket masave anti Covid që do duhet të merren në ditën e votimit në ambientet ku do të zhvillohet procesi I votimit dhe ai I numërimit KQZ është duke punuar për t’i marrë këto masa. Në ccdo qëndër votimi dhe vend numërimi do të përshtasim të gjitha masat që kanë të bëjnë më respektimin e masave anti Covid-19.”- tha kreu i KQZ-së

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm