Cilat do të jenë profesionet më të kërkuara dhe paguara për vitin 2024 në Shqipëri?

Nëse jeni të aftësuar në financë, teknologji informacioni apo kujdes shëndetësor... atëherë 2024-a është viti juaj. Nuk është parashikim astrologjik, por analizë e mirëfilltë e bazuar te kërkesa dhe oferta e tregut të punës.

“Bazuar te artikujt e (revistës) Forbes dhe parashikimeve të ndryshme ndërkombëtare, aftësitë më të kërkuara të 2024-s vazhdojnë të jenë ato kompjuterike, inteligjenca artificiale... por me rritje të fokusit te aftësitë ndër-personale si dhe aftësitë teknike që kanë të bëjnë kryesisht me kujdesin shëndetësor.”

Lutjona Lula - Eksperte e tregut të punës

“Teknologjia, inteligjenca artificiale do të jenë gjithmonë pozicione me kërkesë. Por nuk mendoj se kjo vlen për ne. Ne kemi të tjera probleme më emergjente.”

Emin Shini - Ekspert i tregut të punës

“Dështoi Bangladeshi, punëtorët nga Kameruni janë gati të vijnë në Shqipëri”

Vëmendja te fuqia punëtore, rritja e pagave po shtyn të rinjtë të arsimohen në Hoteleri-Turizëm

Rritet papunësia tek të rinjtë, pagat largojnë fuqinë punëtore nga bujqësia dhe industria

Me krizë edhe më të thellë për burime njerëzore, e alternativa më të kufizuara, Shqipëria i ka të orientuara nevojat kryesisht te turizmi, ndërtimi e më pas te teknologjia e informacionit.

Cilat do të jenë profesionet më të kërkuara dhe paguara

“Në vijim të trendit nga 2023-shit, sigurisht një kërkesë e madhe mbetet për disa profesione që ne i quajmë “teknikë të mesëm” si elekstriçistë, mekanikë apo hidraulikë. Turimi dhe ndërtimi janë dy sektorët e tera që vuajnë dhe do të vuajnë për fuqi punëtore.”

Emin Shini - Ekspert i tregut të punës

Kriza e veçanërisht dy viteve të fundit ka kthyer vëmendjen e sipërmarrjeve si kurrë më parë te punonjësit. Por bizneset ende nuk po arrijnë të joshin “Gjeneratën Z”, të rinj të lindur në fund të viteve 90’.

“Të rinjtë e “Gjeneratës Z” i mëshojnë më shumë rëndësisë së mirëqenies mendore, trajtimit të barabartë në punë, të ndierit të motivuar për të bërë detyra kuptimplota. Ndaj shpesh ata kanë një përplasje kulturore.”

Lutjona Lula - Eksperte e tregut të punës

2023-shi ishte viti i tretë radhazi në Shqipëri ku pagat pësuan rritje. Mesatarisht një kamerier po paguhet nga 800 deri në 1 mijë euro, një shef kuzhine deri në 1 mijë e 200 euro. Me 700 deri në 900 euro paguhet edhe një punonjës ndërtimi, ndërsa rroga e një inxhinieri IT apo ndërtimi luhatet nga 1 mijë e deri në 2 mijë euro./A2CCN