Covid-19 në Shqipëri/ ‘Kthesë e fortë’ në 10 ditët e fundit, mbi 600 të infektuar dhe humbje jete

  

Përhapja e Covid-19 ka shënuar një kthesë të fortë negative në këto ditë të muajit gusht, me një rritje të shpejtë të rasteve të reja.

Të dhënat zyrtare të Ministrisë së Shëndetësisë kanë evidentuar një numër më të lartë se totali i të prekurve në tre muajt pararendës, Maj-Qershor dhe Korrik, të marrë së bashku.

Kështu, sipas të dhënëve të 10 ditëve të fundit vihet re se çdo ditë shënohen 1-3 humbje jete, ndërsa kulmi i infektimeve u arrit të shtunën me 658 raste të reja.

Shifrat e 10 ditëve të fundit: 

21 gusht- 6527 testime, 658 raste të reja, 2 humbje jete

20 gusht- 6173 testime, 535 raste të reja, 2 humbje jete

19 gusht- 6662 testime, 522 raste të reja, 2 humbje jete

18 gusht 7733 testime, 477 raste të reja, 3 humbje jete

17 gusht- 5135 testime, 451 raste të reja, 2 humbje jete

16 gusht-2183 testime, 200 raste të reja, 2 humbje jete

15 gusht-4,935 testime, 397 raste të reja, 1 humbje

14 gusht 5,252 testime, 410 raste të reja, 2 humbje

13 gusht 5,339 testime, 379 raste të reja, 1 humbje

12 gusht 4,799 testime, 274 raste, asnjë humbje jete

Autoritetet shëndetësore janë të mendimit se shkak është qarkullimi i dendur i variantit Delta, i cili u konfirmua në Shqipëri në gjysmën e dytë të muajit Korrik, nga mostra të cilat ishin mbledhur që nga Qershori.

Ndërkohë, pavarësisht rritjes së shpejtë të rasteve, autoritetet nuk duket se mund t’i rikthehen së afërmi ashpërsimit të masave kufizuese.

Që prej fillimit të gushtit ka nisur muaji i hapur për vaksinimin, ndaj të gjthë moshave mbi 18 vjeç. Deri më tani 20 përqind e popullatës ka marrë të dyja dozat, dhe një 5 përqindësh tjetër vetëm njërën dozë.