Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

CPJ dënon sulmin me gaz lotsjellës ndaj gazetarëve: I kemi shkruar MB dhe nuk kemi marrë asnjë përgjigje

Politiko 18 Janar 2022, 20:15

CPJ dënon sulmin me gaz lotsjellës ndaj gazetarëve: I kemi

CPJ (Komiteti për Mbrojtjen e Gazetarëve)* ka bërë një shkrim lidhur me sulmin ga ana e policisë që iu bë gazetarëve me 8 janar, në protestën e thirrur nga Berisha, ku në drejtim të gazetarëve dhe operatorëve që ndodheshin në terren u hodh gaz lotsjellës dhe ujë.

"Autoritetet shqiptare duhet të hetojnë me shpejtësi sulmet e policisë ndaj gazetarëve që mbuluan demonstratën e fundit, t'i mbajnë përgjegjësit përgjegjës dhe të sigurojnë që reporterët të mund të mbulojnë ngjarje me interes publik pa frikë nga lëndimi"- ka thënë sot Komiteti për Mbrojtjen e Gazetarëve (CPJ- Committee to Protect Journalists).

Në artikullin e publikuar, përshkruhet ngjarja e 8 janarit, ku protestues të shumtë, u nisën drejt selisë së PD-së, ku më vonë, u hodh gaz lotsjellës në drejtimin e tyre por edhe të gazetarëve dhe operatorëve që ndodheshin në terren.

"Më 8 janar, në Tiranë, qindra protestues sulmuan selinë e partisë kryesore opozitare të Shqipërisë mes një beteje të brendshme mbi udhëheqjen e partisë dhe policia hodhi gaz lotsjellës dhe ujë që goditën të paktën nëntë gazetarë, sipas raporteve të lajmeve dhe sipas një gazetari në vendngjarje që foli me CPJ."

“Gazetarët në Shqipëri duhet të jenë në gjendje të mbulojnë protestat pa frikë se do të sulmohen nga policia,” tha Gulnoza Said, koordinatore e programit të CPJ-së për Evropën dhe Azinë Qendrore, në Nju Jork. “Autoritetet shqiptare duhet të hetojnë përdorimin e fundit policor të gazit lotsjellës dhe ujit ndaj gazetarëve që mbuluan një demonstratë në Tiranë dhe të sigurojnë që efektivët përgjegjës të mbajnë përgjegjësi.”

Shtatë punonjës të Ora News - operatorët Ermal Noka, Esmerald Jahelezi dhe Alban Xhokaxhi, dhe reporterët Everest Dedaj, Fjorela Beleshi, Sonila Musaj dhe Edison Vatnika - kishin djegie sysh dhe patën probleme me frymëmarrjen pasi policia hodhi një "sasi disproporcionale" të gazit lotsjellës ndaj tyre, sipas Ora Neës dhe gazetarëve të tjerë të lajmeve.

Policia hodhi gjithashtu edhe ujë ndaj një ekipi raportues të Fax News, sipas një raporti nga operatori Majklen Sinka, i cili e pohoi këtë për CPJ përmes një komunikimi me mesazhe.

Sinka tha për CPJ-në se ai dhe gazetarët e tjerë në vendngjarje ishin të identifikueshëm si anëtarë të shtypit dhe se ai kishte veshje me logon e Fax News, por policia “qartë na shënjestroi me ujë dhe gaz lotsjellës”. Ai shtoi se nga ky sulm u dëmtuan edhe pajisjet e tij.

Fotoreporteri i pavarur Felix Bilani tha për "NOA" se iu desh të merrte trajtim mjekësor pasi policia hodhi gaz lotsjellës ndaj tij gjatë protestës.

CPJ shkruan se i kanë dërguar email Ministrisë së Brendshme shqiptare, e cila mbikëqyr policinë, për koment, por nuk ka marrë asnjë përgjigje.

*Komiteti për Mbrojtjen e Gazetarëve është një organizatë e pavarur, jofitimprurëse që promovon lirinë e shtypit në mbarë botën. CPJ mbron të drejtën e gazetarëve për të raportuar lajmet në mënyrë të sigurt dhe pa frikë nga hakmarrja.