Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Daily Mail: Mbi se 4,000 shqiptarë mbërritën në Britani këtë vit, taktikat e reja të bandave shtojnë fluksin

Politiko 15 Gusht 2022, 10:44

Daily Mail: Mbi se 4,000 shqiptarë mbërritën në Britani

Më shumë se 4,000 shqiptarë kanë arritur në Britani përmes kanalit “La Mansh” këtë vit, bën të ditur Daily Mail. Ministrat kanë frikë se numri i mbërritjeve ilegale do të rritet përtej rekordit prej 28,500, që u regjistrua në 2021.

Përshkallëzimi i paprecedentë i të ardhurve shqiptarë është për shkak të taktikave të reja nga bandat e trafikimit të njerëzve në Ballkan dhe dobësive në ligjet e Britanisë, thanë burimet.

Sapo mbërrijnë në Britaninë e Madhe, shqiptarët pohojnë se janë trafikuar ose shfrytëzuar, duke e bërë më të vështirë largimin e tyre.

Një burim i afërt me Sekretaren e Brendshme Priti Patel tha: “Këtë vit kemi pasur 4000 njerëz nga Shqipëria që kanë ardhur tashmë.

“Po e shohim këtë rritje nga Shqipëria, sepse ata paguajnë më shumë dhe u garantohet kalimi nga kontrabandistët, ashtu siç nuk e kanë të tjerët. Njerëzit që vijnë në MB shpesh përpiqen të pengojnë largimin duke bërë një pretendim sipas ligjeve moderne të skllavërisë”, thuhet më tej.

Dje dolën të dhënat se 20,000 migrantë kanë arritur në tokën britanike këtë vit.  Në një periudhë gjashtëjavore në qershor dhe korrik, 1,075 shqiptarë mbërritën me varka të vogla, një e katërta e totalit, zbuloi The Mail on Sunday javën e kaluar.

Një pjesë e konsiderueshme e të ardhurve shqiptarë përfundojnë duke kryer krime, shtoi burimi. Një marrëveshje me Shqipërinë, e nënshkruar nga Miss Patel në korrik 2021, ka çuar në një rritje të numrit të kriminelëve që janë kthyer në vendin e tyre. Aktualisht ka një fluturim largimi për në Tiranë çdo javë.

Por fluksi që shkon është shumë më i lartë se i atyre që dëbohet. Agjencia Kombëtare e Krimit po punon me policinë lokale në Shqipëri për të parandaluar njerëzit që shkojnë drejt Britanisë.

 

Të fundit