Dalin pamjet brenda agjencisë, Arsen Muskurti puthi armën pasi vrau kunatën e më pas të vëllanë

Dalin të tjera detaje nga ngjarja e rëndë e ndodhur të martën te ‘rruga e Kavajës’ në Tiranë, ku vëllai vrau me armë zjarri vëllanë dhe kunatën.

“Ora News”, sjell pamje të filmuara nga ambjentet e brendshme të agjencisë së udhëtimit, ku vrau vëllai i tij, Dritanin dhe kunatën Nora.

Pasi ka hyrë në agjenci, me gjakftohtësi Muskurti ka nxjerrë armën pistoletë dhe ka qëlluar plot 7 herë në drejtim të tyre, duke i lënë të vdekur në vend.

E parë është qëlluar Nora Muskurti, e cila qëndronte në këmbë.

Ndërsa më pas Arsen Muskurti ka kthyer këndin e qitjes në drejtim të vëllait të tij, Dritanit nga një distancë e afërt.

Ndërsa Dritani është shembur në dyshme, autori i krimit është kthyer tek kunata e tij, Nora, të cilën ka vijuar ta qëllojë dhe dy herë të tjera në gjoks dhe kokë.

E pas kësaj, kthehet sërisht tek i vëllai duke e qëlluar edhe këtë të fundit në kokë. E gjithë ngjarja ka ndodhur në 8 sekonda, duke mos i dhënë asnjë mundësi, dy viktimave të reagojnë për tu mbrojtur.

Teksa është siguruar që vëllai dhe kunata e tij, kishin vdekur Arsen Muskurti, duket në video që puth pistoletën dhe më pas largohet duke dalë nga dyqani.

Muskurti, ka udhëtuar disa metra në këmbë dhe ka shkuar në ambjentet e dyqanit të tij.

Pikërisht në këtë vend, ai ka futur në kasafortë armën e krimit dhe më pas është larguar në drejtim të banesës së tij në zonën e zonën e “5 Majit” në Tiranë.

Por pas negicimit me të, Arsen Muskurti, është vetëdorëzuar duke treguar të gjithë dinamikën e krimit. 

Konfliktet për marrëdhëniet e dy vëllezërve për borxhet mes tyre dhe përpjesëtimin e pasurinë, janë bërë shkaku i kësaj ngjarje të rëndë.