Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

DASH shton listën me 12 vende të tjera, 15 mijë dollarë garanci për të marrë vizën amerikane

Politiko 18 Mars 2026, 18:21

DASH shton listën me 12 vende të tjera, 15 mijë dollarë

Departamenti Amerikan i Shtetit, ka vendosur një masë të re që detyron qytetarët e disa vendeve të depozitojnë deri në 15 mijë dollarë garanci për të marrë vizë hyrjeje në SHBA.

Sipas një zyrtari të DASH, programi ekzistues është zgjeruar me 12 vende të tjera, duke e çuar në 50 numrin total të shteteve të përfshira. Ky program prek kryesisht vende në zhvillim, shumë prej tyre në Afrikë.

Vetë departamenti e ka publikuar këtë vendim në faqen e tij ditën e sotme (18 mars).

Garancia prej 15 mijë dollarësh do t’u kthehet aplikantëve nëse ata respektojnë kushtet e vizës dhe kthehen në vendin e tyre, ose nëse nuk udhëtojnë fare, informojnë mediat.

Masa do të hyjë në fuqi më 2 prill dhe zbatohet për vizat e tipit B1 dhe B2, të cilat përdoren për udhëtime biznesi dhe turizmi. Qëllimi i saj është të pengojë rastet kur vizitorët qëndrojnë në SHBA më gjatë se sa u lejohet nga viza.

dash12 vendet e reja të përfshira në këtë program janë: Kamboxhia, Etiopia, Gjeorgjia, Grenada, Lesoto, Mauritius, Mongolia, Mozambiku, Nikaragua, Papua Guinea e Re, Seychelles dhe Tunizia.

Ndërkohë, organizatat për të drejtat e njeriut kanë kritikuar këto masa, duke i cilësuar si kufizuese për liritë individuale, ndërsa autoritetet amerikane i mbrojnë ato si të nevojshme për forcimin e sigurisë kombëtare.

Sipas Departamentit të Shtetit, programi i garancive ka dhënë rezultate duke ulur numrin e personave që shkelin afatet e qëndrimit me vizë në SHBA.

Të fundit