Debat në Komisionin e Edukimit/ Koçi: A mund ta qepësh? Po na provokon, Boçi: Ç’punë ke me krizat

Mbledhja e Komisionit të Edukimit dhe Mjeteve të Informimit Publik është përfshirë nga një debat mes deputetëve të maxhorancës dhe opozitës. Zanafilla e këtij debati, ka qenë fillimisht një ‘përplasje’ mes ministres së Arsimit, Evis Kushi dhe deputetet Ina Zhupa.

Kjo u pasua nga ndërhyrja e deputetit Luçiano Boçi, i cili kërkoi që ministrja t’iu përgjigjej pyetjeve dhe të mos shmangte, teksa iu drejtua Petro Koçit të linte mënjanë krizën e opozitës. Debati vijoi më pas mes Koçit dhe Boçit, duke i kërkuar njëri-tjetrit, nga njëra anë të pushonin dhe nga ana tjetër të mos bëheshin provokatorë.

Pjesë nga debati:

Ministrja Evis Kushi: Në të gjithë mënyrën që e shtruat pyetjen, zonja Zhupa mua mu duk sikur ju ishit kundër vaksinimit të studentëve dhe ju thon pse nuk ja keni kërkuar më herët Komitetit Teknik vaksinimin e studentëve, po ju a ia keni kërkuar si opozitë. Nuk ju dëgjova kurrë që të ndërgjegjësoni studentët të vaksinohen. Tani ju kur të merrni fjalën flisni. Unë nuk kam dëgjuar asnjëherë nga opozita që të kërkojë vaksinimin masiv të studentëve. Përqindjen e vaksinimit ua jap unë me tabel, pop se kur të duash ti do jap unë? Ka një çështje, ju gjatë pyetjeve thatë pse nuk na i keni sjellë ju më parë përqindjet e vaksinimit. Ju këtu kishit rektorët e universiteteve pse nuk ja kërkuat.

(Ndërhyn deputetja Ina Zhupa nga vendi)

Petro Koçi: Vjoni qetësisht dhe mos u ndikoni nga ndërhyrjet

Luçiano Boçi: Nuk ka pyetje të gabuara. Ju do të jepni përgjigjet thjesht dhe do ta jepni kur ja kërkojnë anëtarët në komision. Ju nuk e respektoni komisionin, me fjalët që përdor dhe intonacionin që përdor nuk janë të denja për një ministër. Opozita kështu opozita ashtu, vazhdo jep përgjigjen aty sipas radhës.

Unë do t’i them siç duhet përgjigjet dhe jo siç doni ju. Dënoi veten pak më vonë dhe do ta kuptoni cili është intonacioni juaj. E rëndë kush do që të ishte kështu do të reagonte. Nuk i ka ardhur radha se ishte pyetja e tetë.

Petro Koçi: Zoti Boçi mos ndërhyni dhe mos e prisni rregullin e mbledhjes. Ky nuk është një komision ku transferohen krizat nga jashtë. Ky është një komision që ka një rend dite dhe duhet ta respektoni atë.

Luçiano Boçi: Ç’punë ke me krizat?

Petro Koçi: S’të marr leje ty unë. A ka mundësi ta qepësh gojën, mos fol pa rregull këtu. Se ju po na prrovokoni shumë. Ke tre orë që na provokoni.

Luçiano Boçi: Ti po na provokon.

Petro Koçi: Nuk ka pasur pyetjet mbi përqindjen e vaksinimeve, ka patur pyetje në lidhje me masat e marra. Ju arrini të më provokoni dhe mua imagjinoni çfarë niveli provokimi keni arritur.