Flash News

Aksion kundër lojërave të fatit, një i arrestuar në Elbasan, procedohen 2 punonjës policie

Tiranë/ Procedohet 26-vjeçarja, dhunoi një fëmijë në kopsht

U la në burg pa afat, shoferi i betonieres në gjykatë: Tentova të hap dyert e makinës së djegur, por…

Aksidenti me 4 viktima, Gjykata lë në burg shoferin 24-vjeçar të betonieres

Operacioni në Korçë, policia jep detaje: 10 të arrestuar, 3 prej tyre pronarë lokalesh

E-TJERA

Debat në komisionin për “TIMS”/ Salianji-mazhorancës: Në tre muaj punë, dy muaj ishit në tualet

Politiko 23 Korrik 2024, 18:27

Debat në komisionin për “TIMS”/ Salianji-mazhorancës:

Me debate mes deputetëve të opozitës dhe atyre të mazhorancës është zhvilluar edhe sot mbledhja e Komisionti Hetimor për ndërhyrjet në sistemin TIMS.

Kryetari i Komisionit, Ervin Salianji, ftoi mazhorancën për të përgatitur një raport të përbashkët përfundimtar, ndërsa i akuzoi se nuk kanë qenë pjesëmarrës aktiv në mbledhjet e ‘TIMS-it”.

“Në 3 muaj e ca punë që ishte ky komision, 2 muaj ju ishit në tualet. Asnjë nga ju nuk e keni lexuar raportin. Doni të dalim në një raport përfundimtar apo keni vetëm kundërshti”, pyeti Salianji, teksa anëtarët e mazhorancës kanë përgatitur një tjetër raport. 

Ndër të tjera, Salianji tha se anëtarët e PS refuzuan të thërrisnin Edi Ramën dhe ish-ministrin Bledi Çuçi si dëshmitarë.


Po ashtu në raportin e opozitës thuhet se edhe pse shumica e dëshmive nuk ishin sekret shtetërore, u vendos që dëshmitë të zhvilloheshin me dyer të mbyllura.

“Anëtarët e PS refuzuan të thërrisni Edi Ramën, megjithëse në dokumentacionin e administruar dhe dëshmitë e marra emri i tij u përmend. Po ashtu anëtarët e mazhorancës refuzuan të thërrisni ish ministrin e Brendshëm Bledar Cuci.

Anëtarët e mazhorancës vendosën që dëshmitë të merreshin me dyer të mbyllura edhe pse në të shumtën e rasteve dëshmitë nuk përmbanin sekret shtetëror”, tha Salianji ndër të tjera.

Toni Gogu: Nëse raporti që ju keni përgatitur është ajo që ju keni thënë gjatë gjithë veprimtarisë së komisionit do jetë raporti i pakicës. Ne kemi një tjetër raport të përgatitur nga një grup tjetër ekspertësh. Nëse doni ti hedhim në votim vazhdojmë. Nëse doni të lexoni raportin tuaj, vazhdoni, por duhet të votohet për të qenë raport i komisionit.


Ervin Salianji: Kemi përgatitur një raport që është dinjitoz për komisionin. Nëse keni raport tjetër na e vendosni në dispozicion ta lexojmë

Xhemal Qefalia: Nëse e keni harruar raportin në emër të komisionit duhet të na i kishit vënë në dispozicion.

Të fundit