Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Debate te “Ligjet”/ Kryetarja e KPA-së kërkon fonde shtesë për zyra, Bylykbashi: Luks në kohë krize

Politiko 3 Nëntor 2022, 12:29

Debate te “Ligjet”/ Kryetarja e KPA-së kërkon fonde

Kryetarja e Kolegjit të Posaçëm të Apelimit, Albana Shtylla ishte e ftuar sot në Komisionin e Ligjeve për të diskutuar për buxhetin e vitit 2023. Ajo kërkoi rritje të buxhetit me arsyetimin se KPA-së i nevojiten ambiente shtesë me qera.

Sipas saj, ambienti aktual që kanë në Kuvend, ka një hapësirë të kufizuar për personelin prej 57 personash të insititucionit. Ambientet shtesë, tha Shtylla, janë të domodoshme që KPA të ushtrojë funksionin e saj.

"Ka personel prej 57 persona dhe numër ambientesh të kufizuar, një gjysmë korridori të Kuvendit. Në VKM që i ka kaluar ministrisë së Drejtësisë ishte parashikuar që përveç zyrave të katit të tretë të ishin edhe dy zyra që sot janë në përdorim të Shoqatës së të përndjekurve.

Edhe pse ka dal VKM në 2018, nuk është zbatuar, është bërë objekt konflikti në gjykatë. Ministria e Drejtësisë është duke e ndjekur gjyqësish. Edhe sikur këto dy zyra, që nuk janë vetëm për KPA, por do ishin edhe në shërbim të komsionerëve publik, do ishin të pamjaftueshme duke pasur parasysh rritjen e personelit. Ambientet me qira janë të domosdoshëm, për ushtrimin e funksionit”, tha Shtylla.

Deputeti demokrat Oerb Bylkbashi ka reaguar ndaj kësaj kërkese, duke e konsideruar shpenzim luksi në kohë krize. Sipas tij, kjo nuk është një nevojë urgjente.

“E keni ende atë buxhet për sigurimin e jetës dhe të shëndetit, nëse po, sa është kjo vlerë? Pavarësisht sa është ky buxhet, me kushtet e vështira që kemi ne, duke konsideruar që bëni një punë të rëndësishme të vështirë, gjykoj por jo me më shumë rrezik sesa shumë institucione të tjera, përse është e nevojshme të vazhdojë ky fond?

Në kushtet e vështirësisë ekonomike, kostot po rriten, vend për luks nuk kemi, një shpenzim i tillë është luks, ja ku jemi pas kaq vitesh, s’ka patur moment që ka cenuar shëndetin apo jetën e anëtareve të dy trupave. A gjykoni që është e nevojshme për t’u hequr, të paktën të mos shpenzohet dhe këto para të kthehen në buxhet për shpenzime të tjera, qoftë të institucionit tuaj, qoftë edhe për qiratë?”-, tha Bylykbashi.

Sugjerimi i Bylykbashkit u kundërshtua nga kryetarja e KPA, e cila tha se sigurimi i jetës dhe shëndetit për anëtarët e KPA është një e drejtë e garantuar me ligj.

“Ka një parashikim në ligj, ku deputet kur kanë miratuar ligjin kanë vlerësuar që duhet të ketë një trajtim të tillë. Zbatimi i ligjit duhet të burojë nga ligjvënësit dhe më pas të organet. Jemi të detyruar të zbatojmë ligjin, vlera për 7 milionë lekë viti për të gjithë personelin”, shtoi Shtylla.