Debati për akulloret me oksid etileni tek ‘Ekonomia’, kreu i KLSH: Ka kallëzim penal për rastin, nuk është publikuar

Komisioni për Ekonominë dhe Financat është përfshirë nga debatet pas denoncimit nga kreu i KLSH-së, Arben Shehu, për akulloret e kontaminuara me oksid etileni.

Kryetari i komisionit Eduart Shalsi pyeti kreun e KLSH për akulloret me oksid etileni dhe tha se rasti i audituar nuk është raportuar. Ko u kundërshtua nga Shehu i cili tha se për rasti është raportuar, është bërë kallëzim penal, por nuk është publikuar.

DEBATI:

Shalsi: Dje pas deklaratës tuaj kemi marrë shumë mesazhe shqetësuese nga qytetarët për akulloret e kontaminuara për të cilat AKU kreu veprimet e duhura menjëherë dhe i largoi nga tregu pas sinjalizimit. Po ju pyes direkt, çfarë ju shtyu në vitin 2024 të sillni çështjen e vitit 2021, që nuk e keni ngritur në raportet e viteve të mëparshme?

Shalsi: Dje është hedhur bombë, shashkë, quajeni si të doni. Ky komision është njohur me diçka. Shashkë apo e vërtetë, nuk di ta them. Këtij komisioni i janë shpjeguar efektet kancerogjene për një lëndë në akullore, e cila nuk është raportuar në vitin 2022 as në vitin 2023 nga KLSH. Për këtë çështje janë alarmuar njerëzit dje. Ne kemi përgjegjësi për të ballafaquar faktet për këtë çështje.

Shehu: Është i rëndësishëm stabiliteti i institucionit dhe institucioneve. Është një situatë dhe jo një rast, e kam vlerësuar dhe i kemi dhënë vlerësimin e duhur në tërësi dhe  e kemi trajtuar për ta lidhur me logjikën siç nevojitet jo ndëshkimi i një individi apo jo një grup individësh.

Spaho: S’po ju pëlqen përgjigja e tij, po i bën presion.

Shalsi: Dy pyetje pra, kryetar fjala për ju.

Shehu: Ndihemi keq jo vetëm unë personalisht por edhe kolegët kur vihemi para një përgjegjësie të tillë, nuk kemi për qëllim të ngarkojmë apo të shikojmë në pozita cilido shtetas shqiptar, jo vetëm institucioni por edhe njerëzore, e kemi trajtuar situatën e Onbkologjikut, ka marrë atë rëndësi që ka marrë.

Shalsi: Pse në 2024 rasti i 2021, akulloren?

Kreu i KLSH: Është trajtuar për shkak të rëndësisë që ka nevoja emergjente për sëmundjet tumorale në lidhje me këtë produkt. E kemi konstatuar gjithë rekomandimet tona, gjithsesili nga institucioni jo vetëm është në dijeni por duhet të merrte masat. Nëse ju e vlerësoni, por rasti konkret është pasqyruar, jo vetëm në institucion, por në procesin që ligj na lejon.

Shalsi: Ka disa çështje dhe dje doni apo s’doni ta pranoni është përhapur panik dhe njerëzit janë të alarmuar. Nuk është aspak qëllimi ynë. Unë dhe një pjesë e kolegëve nuk do t’i lejonim asnjë lloj qëndrimi institucioneve.

Shehu: Raporti në fjalë që ju e trajtuat si mungesë informacion është vënë në dispozicion në vitin 2022, akullorja. Qëlimi është parandalimi sa të jetë e mundur, rasti ka kallëzim penal, nuk e kemi bërë publik për shkak të vlerësimit tonë.

Shalsi: Pas raporti të auditimit a keni bërë një kallëzim penal? Dhe nëse keni bërë.

Shehu: Është bërë lidhur me dy institucione të tjera. Ne nuk jemi organ hetimi, pro auditues.

Mziu: Zti kryetar nuk jemi në kafene. Do ishe mirë për teatër, je bërë si adoleshentët me telefon.