Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Debati pèr “Paqen Fiskale”, ish-ministri i PS në një linjë me Tabakun: Transparenca është detyrim, jo justifikim politik

Politiko 4 Dhjetor 2025, 17:00

Debati pèr “Paqen Fiskale”, ish-ministri i PS në

Ish-ministri i Financave, Arben Malaj ka reaguar në rrjetet sociale lidhur me debatin mbi “paqen fiskale”, pasi deputetja e PD-së Jorida Tabaku dhe ministri i Financave, Petrit Malaj u përplasën në Kuvend për një kërkesë lidhur me përfituesit e ligjit të shlyerjes së borxheve. Tabaku tha se i ka dërguar prej një muaji 4 shkresa ministrisë për informacion por akoma nuk ka marrë përgjigje.

Sakaq, Malaj shkruan se transparenca është detyrim dhe jo opsion, sidomos kur bëhet fjalë për faljen e detyrimeve të vjetra tatimore.

Malaj shton se ky proces nuk është çështje teknike, por një test i integritetit publik, pasi lidhet drejtpërdrejt me përdorimin e parave të taksapaguesve.

Sipas tij, standardet ndërkombëtare janë të qarta dhe pa ekuivoke: lista e përfituesve duhet të bëhet publike. Ai sjell shembuj nga Bashkimi Europian, ku falja e borxheve tatimore konsiderohet ndihmë shtetërore dhe çdo përfitim mbi 5 mijë euro kërkon publikimin e emrit. Malaj apelon se asnjë vend i BE-së nuk fsheh përfituesit, pikërisht për të shmangur korrupsionin, klientelizmin dhe për të mbrojtur konkurrencën e ndershme.

Reagimi i plotë: 

Ne ndihme te ctensionimit te debateve per "paqen fiskale" Kush ka të drejtë për “paqen fiskale”? Standardet ndërkombëtare janë të qarta: Lista e përfituesve duhet të publikohet.
Debati në Shqipëri për “paqen fiskale” nuk është teknik – është një test themelor i integritetit publik.
Kur falen detyrimet e para 10 viteve, nuk kemi më të bëjmë me “privatësi”, por me paratë e taksapaguesve, të cilat po u dhurohen individëve apo bizneseve të caktuara.
Dhe kur përdoren paratë publike, transparenca është detyrim, jo opsion.
Këto janë standardet ndërkombëtare – pa asnjë dyshim, pa asnjë ekuivok:
1. Bashkimi Europian – Rregulli është i detyrueshëm: EMRAT PUBLIKOHEN
Nuk ka asnjë vend të BE-së që fsheh përfituesit e faljeve tatimore.
Pse? Sepse BE e konsideron faljen e borxheve tatimore si “ndihmë shtetërore”.
Dhe ligji i BE-së kërkon:
Çdo ndihmë shtetërore mbi 5000 euro publikon emrin e përfituesit.
Pa justifikime.
Pa përjashtime.
“Privatësia” nuk është arsye e vlefshme.
Kjo është bërë për:
të shmangur korrupsionin,
të kufizuar klientelizmin,
të mbrojtur konkurrencën e ndershme,
të ruajtur integritetin e financave publike.
Nëse Shqipëria aspiron BE-në, nuk mund të shpikë “sekrete fiskale” që BE-ja i konsideron shkelje.
OECD – Falja e borxhit është shpenzim publik. Prandaj duhet transparencë e plotë.
OECD është e prerë:
Çdo heqje dore nga të ardhurat publike është shpenzim fiskal dhe duhet të jetë krejtësisht transparent.
Falja e detyrimeve nuk është “mëshirë”, por përdorim i fondeve publike.
Shqiptarët kanë të drejtë të dinë:
kush përfiton,
sa përfiton,
pse përfiton.
Mbajtja e listës së fshehtë është shkelje e standardit të transparencës fiskale të OECD-së.
IMF – Amnistitë dhe faljet kërkojnë raportim të individualizuar.
Fondi Monetar është edhe më i prerë:
Çdo amnisti tatimore është “risk fiskal i lartë”.
Për këtë arsye, FMN kërkon:
publikimin e listës së përfituesve,
analizën e kostos për buxhetin,
rishikimin parlamentar të zbatimit,
kontrolle ex-post për lidhje të mundshme politike.
Pra, fshehja e listës është kundër rekomandimeve të FMN-së, institucionit kryesor që monitoron financat publike të vendit.
GDPR – Mbrojtja e të dhënave nuk ka asnjë lidhje me fshehjen e përfituesve.
Ministri i Financave ka dhënë argumentin më të dobët të mundshëm: privatësinë.
Por GDPR (ligji europian që Shqipëria e ka kopjuar) e lejon shprehimisht publikimin e të dhënave:
kur ka interes të rëndësishëm publik,
kur bëhet fjalë për përdorim të parave të taksapaguesve,
kur publiku ka të drejtë të dijë si shpërndahen fondet e shtetit.
Zbatim praktik i GDPR:
Publikohen emrat
Publikohen bizneset dhe NIPT-at
Publikohet shuma e falur
✘ Fshihen adresat, ID-të personale, të dhënat sensitive
Pra ministri po e përdor privatësinë si shkak politik, jo ligjor.
Përfundimi që nuk mund të shmanget
Sipas të gjitha standardeve ndërkombëtare (BE, OECD, IMF, GDPR), lista e përfituesve të “paqes fiskale” duhet të publikohet plotësisht.
Mos-publikimi i listës:
bie ndesh me praktikën e BE-së;
bie ndesh me rekomandimet e FMN-së;
bie ndesh me standardet e OECD-së;
nuk mbrohet dot me asnjë nen të GDPR;
krijon hije të rënda dyshimi për abuzim dhe klientelizëm;
është cenim i transparencës dhe integritetit të financave publike.
Nëse qeveria kërkon të falë borxhe 10-vjeçare dhe të mos tregojë kuj t’i fal, kjo nuk është politikë fiskale — është rrezik i pastër për kapje të shtetit.

Të fundit