Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

E-TJERA

Debati Rama-Meta: Asnjëri s’po bën rolin e tij, vetëm Basha po bën opozitarin

Politiko 19 Tetor 2020, 22:19

Debati Rama-Meta: Asnjëri s’po bën rolin e tij, vetëm Basha

Analisti Fatos Lubonja ka komentuar përplasjet mes presidentit Ilir Meta dhe kryeministrit Edi Rama.

Duke folur në ‘Real Story’, Lubonja thotë se asnjëri prej tyre nuk është në rolin e tyre.  

“Po të dëgjosh Metën ai thotë se po bën rolin e Presidentit, se po mbron Kushtetutën. Besoj se këtu ai ka bërë rolin e Presidentit, madje roli i Presidentit duhet të ishte i fortë dhe këtu s’kam asgjë kundërt, por mendoj se këtu jemi dhe përpara një fushate elektorale dhe ai në një far mënyre identifikohet me partinë e tij. Pra, janë të dyja. Sigurisht që këtu jemi në një vend anormal, ku Presidenti s’mund të bëjë vetëm Presidentin, sepse as kryeministri nuk e bën rolin e kryeministrit. Kryetari i opozitës varet se si do ta përcaktojmë, ai bën luftën e tij dhe akuzohet për pak më i butë, më i moderuar, duket se ka bërë një far llogarie. Besoj se ai është më afër rolit të tij opozitar.

Pastaj vijmë te debati se për kë e kishte Meta, për Ramën apo për Bashën, nuk është se kam besim te këto forca politike, që i kam quajtur banda dhe i qëndroj kësaj. Problemi është se kur Rama mori i vetëm tepsinë, ose timonin, shpejtësia e kësaj makine drejt humnerës ka ecur në mënyrën më katastrofike seç mund të ecte ndonjëherë. Edhe kur ishte me Metën ecte më normal makina, ashtu sikundër edhe kur ishte Berisha në pushtet.

Me këto tre bandat ka pasur Shqipëria më shumë kontroll të njëra-tjetrës. Ka pasur dhe një traditë Shqipëria që pas tetë vitesh ta jepte goditjen populli shqiptar. Tani Rama ka punuar për t’i kontrolluar të gjitha pushtetet, në mënyrë që të mos përsëritet kjo traditë, që për mua është pozitive. Në këtë aspekt, e kam të vështirë t’i marr këta t’i fus të gjithë në një thes, edhe pse vazhdoj t’i quaj banda, pjesë të së njëjtit sistem oligarkik.

Nëse nesër fiton Lulzim Basha, nuk do të ndryshojë dot sistemi, por të paktën Erion Veliaj do të frenohet pak më shumë nga ai”, tha Lubonja.

Të fundit