Dëbimi i diplomatit, Reuters: Rusia do të hakmerret ndaj Shqipërisë, veprimi solli dëmtimin e marrëdhënieve

Ambasada ruse në Tiranë

Pasi qeveria shqiptare shpalli person “non grata” diplomatin rus Alexey Krivosheev me arsyetimin se shkeli masat anti-Covid në mënyrë të përsëritur, Reuters shkruan se Rusia do të hakmerret ndaj Shqipërisë.

“Ministria e jashtme e Rusisë u zotua të Premten të hakmerret në natyrë ndaj Shqipërisë për dëbimin e një diplomati rus, një veprim që tha se kishte për qëllim dëmtimin e marrëdhënieve dypalëshe, njoftoi agjencia e lajmeve RIA, raporton Reuters.

Diplomati rus u urdhërua të largohej nga Shqipëria të enjten për rregulla të dobëta për të frenuar pandeminë, thuhet më tej.

Një ditë më parë në një njoftim të shpërndarë nga ministria e Punëve të Jashtme, thuhse se “Që prej muajit prill 2020, por dhe në fillim të këtij viti, Qeveria Shqiptare ka pasur ankesa dhe denoncime të vazhdueshme, mbi shkeljet e hapura të masave të marra nga ana e diplomatit të ambasadës së Federatës Ruse në Tiranë”.

Qeveria shqiptare i ka kërkuar diplomatit të largohet brenda 72 orësh nga momenti i dhënies së njoftimit.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm