Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Dëbora dhe ngricat shkatërrojnë vreshtat dhe pemëtarinë, fermerët drejt falimentimit

Politiko 11 Prill 2025, 09:43

Dëbora dhe ngricat shkatërrojnë vreshtat dhe

Reshjet intensive të dëborës të shoqëruara me temperatura të ulëta deri në -4 gradë Celsius gjatë ditëve të fundit kanë shkaktuar dëme të pallogaritshme në bujqësi në zonën e Përrenjasit, konkretisht në Njësitë Administrative Qukës, Rrajcë e Stravaj.

Ngricat e forta kanë goditur rëndë vreshtarinë dhe pemtarinë, sidomos kulturat e qershisë duke i shkatërruar ato në mënyrë të pakthyeshme.

Sabri Kuriqi, një ndër prodhuesit më të mëdhenj në fshatin Karkavec të Njësisë Administrative Qukës shprehet i dëshpëruar për situatën. Ai tregon se gjithë investimi i tij shumëvjeçar në vreshtari është shkatërruar plotësisht nga moti ekstrem dhe deri më tani nuk ka pasur asnjë interesim apo mbështetje nga institucionet shtetërore.

“Këtë pranverë nuk kam parë kurrë një mot kaq të keq. Vreshtat janë “djegur” nga ngricat. Gjithë mundi i viteve është zhdukur për një natë. Nuk na ka ardhur askush të pyesë për gjendjen tonë. Jemi të braktisur!”.

Kuriqi thekson se pasojat afatgjata mund të jenë edhe më të rënda, pasi dëmtimi i rrënjëve të hardhisë mund të ndikojë në produktivitetin për disa vite me radhë. Ai apelon për ndihmë të menjëhershme nga autoritetet për të shpëtuar atë që ka mbetur nga sezoni.

Sipas të dhënave të fermerëve rreth 1,500 hektarë tokë bujqësore janë dëmtuar rëndë në Bashkinë e Përrenjasit. Pa ndihmën e shtetit, shumë prej tyre janë të detyruar të ndërpresin aktivitetin bujqësor, pasi nuk kanë mundësi financiare për të riparuar dëmet.

“Kemi mbetur në mes të katër rrugëve. Toka është shkatërruar, pemët janë ngrirë, nuk kemi me çfarë të ushqehemi. Na duhet ndihmë urgjente, ndryshe falimentimi është i pashmangshëm.”

Situata është edhe më alarmante kur merret parasysh fakti se kjo nuk është hera e parë që fermerët e zonës përballen me fatkeqësi natyrore. Vetëm në fund të muajit mars stuhi të mëdha breshëri dëmtuan të mbjellat dhe pemët frutore në Njësinë Administrative Polis në Librazhd. Edhe në atë rast deri më tani nuk është ofruar asnjë ndihmë apo kompensim nga ana e autoriteteve.

Fermerët kërkojnë që qeveria të ndërhyjë me masa konkrete, si dëmshpërblimi financiar, grante për riparimin e dëmeve si dhe një plan afatgjatë për përballimin e situatave të tilla në të ardhmen.Stuhitë me breshër dhe dëborë gjatë kësaj pranvere kanë qenë të shpeshta dhe në bashkitë e Librazhdit dhe Prrenjasit kanë shkatërruar pemtarinë dhe vreshtarinë si kurrë herë tjetër./ BW