Flash News

"Kush je ti mo"/ Tensione te Komisioni i Shëndetësisë, Vokshi përplaset me Ndrecën

Garda ndalon opozitën të futet në Komisionin e Sterilizimit

Sherr me thika në Shkozë, plagoset një person

Nuk deklaroi apartamentin në bregdet, GJKKO dënon me 2 vite shërbim prove Fatos Tushen

Itali/ Shqiptari vret bashkëshorten në sy të dy fëmijëve të mitur

E-TJERA

Deklaratat e ambasadës amerikane dhe britanike për tensionet në Parlament, Gjekmarkaj: Qeveria të reflektojë

Politiko 21 Nëntor 2023, 17:11

Deklaratat e ambasadës amerikane dhe britanike për tensionet në

Nënkryetari i Kuvendit, Agron Gjekmarkaj ka përshëndetur deklaratat e ambasadës amerikane dhe asaj britanike në lidhje me tensionet mes opozitës dhe mazhorancës në Parlament.

Në një postim në facebook, Gjekmarkaj  shkruan një parlament që nuk respekton të drejtat e opozitës, humb funksionimin normal të tij.

Reagimi i plotë:

Përshëndes deklaratat konstruktive të partnerëve tanë strategjik SHBA-Britani e Madhe, për dialog konstruktiv mes opozitës dhe mazhorancës. Me përgjegjësinë ndaj interesit të qytetarëve prej më shumë se një muaj, opozita kërkon kthimin në normalitet të Parlamentit dhe funksionimin e plotë të tij, duke respektuar të drejtat kushtetuese të opozitës.

Një parlament që nuk respekton të drejtat e opozitës, humb funksionimin normal të tij, duke mohuar ushtrimin e përgjegjësisë për mbikëqyrjen demokratike të qeverisë. Është e papranueshme për një vend demokratik që dialogu konstruktiv mes palëve të zëvendësohet me shndërrimin e sallës së parlamentit në repart gardist, për të shuar me forca sigurie zërin e opozitës për të drejtat e saj.

 

Me besimin e plotë se funksionimi normal i Parlamentit kërkon mbi të gjitha respektimin e opozitës, i bëj thirrje Kryetares së Kuvendit dhe mazhorancës të reflektojnë dhe ti krijojnë opozitës mundësinë për të ushtruar e qetë të drejtat e saj kushtetuese në mbrojtje të interesit të qytetarëve. Ngritja e Komisioneve Hetimore dhe heqja dorë nga emërimi i opozitës, janë parakushte për një Shqipëri të denjë për të qenë anëtare e NATO-s dhe vend kandidat në BE.

 

Të fundit