Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Deklaratat në Bruksel, Bregu: Gjuha e Ramës krijon një klimë potencialisht të rrezikshme

Politiko 27 Qershor 2022, 21:57

Deklaratat në Bruksel, Bregu: Gjuha e Ramës krijon një klimë

Sekretarja e Këshillit të Bashkëpunimit Rajonal të Ballkanit Perëndimor, ish ministrja e Integrimit në qeverinë Berisha, Majlinda Bregu ka komentuar deklaratat me tone të ashpra të kryeministrit Edi Rama pak ditë më parë në Samitin e Be në Bruksel.

E ftuar në Top Story, Bregu tha se gjuha e përdorur nga Rama krijon një klimë potencialisht e të rrezikshme.

Pjesë nga biseda;

Balla: Si ju duk reagimi i kryeministrit ato ditë ndaj Bullgarisë dhe heshtja e tij kur lajmin më të keq e dha Emmanuel Macron?

Bregu: Pjesa publike dhe fjala e tij në samit, në fakt niveli i pakënaqësisë dhe i stresit ka qenë i njëjtë për të gjithë. Rama shkon pak më tutje dhe nuk e fsheh dhe kërkon ti bëjë edhe të tjerëve të qartë që nuk mund të tallen me ne. Në rast se lider të tjerë rezervojnë ta bëjnë, Rama nuk është ndalur në këtë rast. Të siguroj që kjo frymë dhe ky nivel i lartë i pakënaqësisë ka qenë i njëjtë për të gjithë ne dhe rajonin.

Balla:Mua mu duk mungesë sinqeriteti. Ndoshta duhet të ishte treguar më I kujdesshëm pasi Bullgaria ka mbështetur Shqipërinë gjithmonë. Mua nuk mu duk I sinqertë kur në fakt një ditë më pas Macron tha se do ia lemë presidencës çeke. Edhe kur Bullgaria e kaloi situatën e vështirë del Macron dhe thotë do e shtyjmë për gjashtë muaj të tjerë. Në këtë moment unë dua që kryeministri i vendit tim të reagojë. Kundër Shqipërisë nuk është Bullgaria është Franca dhe Gjermania si opinion publik.

Bregu: Në këtë histori ka dy lloj qëndrimesh, një qëndrim për të kaluar vijën e pranueshme të komunikimit publik, por nga ana tjetër mbetet prapë për tu diskutuar. Në fund të ditës dëmi më I madh dhe pakënaqësia i shkon vendeve të BE-së që nuk vendosin për të nisur konferencën e parë ndërqeveritare për të liberalizuar vizat me Kosovën, për të hapur negociatat me Malin e Zi me Serbinë, apo i shkon vendeve tona. Në fund të ditës kush zhgënjehet nga vendet tona, politikanët apo qytetarët.
Gjuha e përdorur e kryeministrit krijon një klimë potencialisht të rrezikshme. Mënyra si Rama e luajti kartën në Bruksel ishte me një efekt të fortë tek njerëzit.

Këtu kam dyshime sepse procesi nuk prodhon shumë vota. Qytetarët votojnë për gjëra të tjera dhe jo për diskutimin. Por nuk është se ky proces ka marrë fund. Vazhdoj të besoj që tronditja e madhe ndonjëherë mund të jetë një pikë kthese edhe pse nuk shoh ndonjë rrugëzgjidhje tjetër. Ballkani dhe vendet ton krijojnë problematika të reja duke mos pasur një demokraci të zhvilluar.

Bëhet fjalë për një rrënim të besimit dhe ne jemi në një gjendje në të cilën pak kush ka mundësi të mbajë shtyllën tjetër, në mënyrë që të mos kemi probleme me strukturën e ngritur të demokracisë. Ky është problem më I madh që kanë vendet tona. Mosbesimi rreshtohet në të njëjtin nivel edhe për institucionet e pavarura.