Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ç’deklaronte Autoriteti i Dosjeve në 2017? Zbardhet shkresa ku Ilir Meta rezultonte i ‘pastër’ për të kandiduar si President

Politiko 27 Korrik 2022, 17:31

Ç’deklaronte Autoriteti i Dosjeve në 2017? Zbardhet shkresa ku

Autoriteti për Informim mbi Dosjet e Ish-Sigurimit të Shtetit deklaroi se ka zbuluar një politikan me inicialet I.M., i cili ka një lidhje të pasqaruar në detaje me Sigurimin e Shtetit. Autoriteti deklaroi se e ka bërë verifikimin pas një kërkese të mbërritur me e-mail dhe se ia ka dorëzuar Kuvendit të Shqipërisë rezultatet e hetimit. I aluduar në media ka qarkulluar ish-presidenti Ilir Meta, por ky i fundit reagoi duke i hedhur poshtë akuzat si tentativë për të tërhequr vëmendjen nga skandali i incineratorëve.

Pak pas mbarimit të mandatit si president, AIDSSh mban një qëndrim ndryshe nga viti 2017, kohë kur i dha Kuvendit 'OK' se Meta është i pastër dhe nuk ka pengesa për të marrë drejtimin e Presidencës së Republikës.

Në dokumentin e publikuar nga ‘Newsbomb.al’ shihet se AIDSSh i kthehu përgjigje Kuvendit, që po verifikonte kriteret e kandidaturës së Metës në atë kohë si president i propozuar nga maxhoranca, duke thënë se nuk ka asnjë pengesë ligjore për të mos kandiduar.

“Gjithashtu, në zbatim të ligjit nr, 45 të vitit 2015, “Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë”, në dokumentacionin shoqërues të zotit Ilir Meta konstatohet se ka paraqitur një vërtetim nga autoriteti për informimin mbi dokumentet e ish-Sigurimit të Shtetit, në të cilin vërtetohet se zoti Ilir Meta nuk ka asnjë pengesë ligjore të parashikuar nga neni 29, pika 2, shkronjat “a”, “b” dhe “c”, të ligjit “për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë”.

Më tej thuhet se vetë Meta ka deklaruar nën përgjegjësinë penale se nuk ka qenë anëatr apo bashkëpunëtor i ish-Sigurimit.

“Gjithashtu, ju keni në dosje një dokumentacion të zgjeruar të zotit Ilir Meta, formularin e vetëdeklarimit, një deklaratë të zotit Ilir Meta të nënshkruar prej tij, që deklaron në përgjegjësinë penale se nuk ka qenë anëtar, bashkëpunëtor dhe i favorizuar i ish-Sigurimit të Shtetit, para 2 korrikut të vitit 1991. Njëkohësisht përgjigjen që ka sjellë autoriteti për informimin mbi dokumentet e ish-Sigurimit të Shtetit, me shkresën numër 220/1 të datës 28 prill 2017. Ku thuhet nuk ka asnjë pengesë ligjore për të mos kandiduar”.

Klasa politike ka akuzuar vazhdimisht vetveten si njerëz të lidhur me Sigurimin e Shtetit apo me nomenklaturën e lartë të Partisë së Punës ndërsa ndryshe nga disa vende të tjera të Evropës Lindore, Shqipëria nuk ka kryer ndonjë proces dekomunistizimi dhe as nuk ka ngritur akuza ndaj zyrtarëve komunistë për krimet e kryera.