Flash News

Pezullimi i fondeve të IPARD, Rama nga Zagrebi: Kemi kërkuar mbështetje në administrim

“Range Rover” përplas makinën e policisë, plagoset efektivi dhe një qytetar

Me pasaporta false në Rinas, arrestohen kosovari dhe një liberian

Çmimi Nobel në Mjekësi i jepet shkencëtarëve që zbuluan vaksinat kundër COVID-19

Studentët e mjekësisë në protestë: Qeveria po shpërdoron të ardhurat e popullit

E-TJERA

Dekonspirimi i aksionit për Dakon, SPAK nis hetimet

Politiko 7 Qershor 2023, 16:41

Dekonspirimi i aksionit për Dakon, SPAK nis hetimet

Prokuroria e Posaçme ka nisur hetimet për nxjerrje të sekretit hetimor sa i takon hetimeve mbi ish kryebashkiakun e Durrësit Vangjush Dako i arrestuar një ditë më parë me urdhër të SPAK.

Në një njoftim për mediat, SPAK sqaron se hetimet do të kryhen ndaj funksionarëve të drejtësisë apo edhe personelit administrativ që ka marrë dijeni për veprimet procedurale për shkak të funksionit të tij, të cilët mundet të kenë zbuluar të dhënat sekrete ndaj personave të tretë

Njoftimi:
Prokuroria e Posaçme kundër Korrupsionit dhe Krimit të Organizuar, mbi bazën e verifikimeve të kryera kryesisht, ka filluar hetimet për kryerjen e veprës penale ”Zbulimi i akteve ose të dhënave sekrete”, të parashikuar nga neni 295/a i Kodit Penal.
Fillimi i hetimeve kryesisht për këtë vepër penale është bërë për shkak të zbulimit ndaj të tretëve të të dhënave dhe të përmbajtjes së akteve procedurale, të cilat përbëjnë ”sekret hetimor”, që lidhen me veprimet procedurale të paraqitjes dhe të shqyrtimit të kërkesës me objekt caktimin e masave të sigurimit në ngarkim të shtetasve V.D etj, të kryera në kuadër të procedimit penal nr.197 viti 2020 të Prokurorisë së Posaçme.
Objekt i hetimeve do të jenë veprimet e të gjithë personave të përfshirë në kryerjen e veprimeve procedurale për caktimin e masave të sigurimit për procedimin penal nr.197 viti 2020, duke përfshirë funksionarët e drejtësisë, personelin administrativ të organeve procedurale, si dhe çdo person tjetër që ka marrë dijeni për veprimet procedurale për shkak të funksionit të tij, të cilët mundet të kenë zbuluar të dhënat sekrete ndaj personave të tretë.

 

Të fundit