Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Dënimi i Belerit, “Kathimerini”: Rama ‘dogji’ urat me Athinën, pasqyroi kontrollin e tij në drejtësi

Politiko 6 Mars 2024, 11:13

Dënimi i Belerit, “Kathimerini”: Rama ‘dogji’ urat

Zgjedhja e kryeministrit të Shqipërisë Edi Rama për të “djegur” urat me Athinën, është reflektuar edhe nga vendimi i djeshëm paraprak i gjykatës që dënon me dy vite burg kryebashkiakun e zgjedhur të Himarës Fredi Beleri.

Kështu e nis artikullin gazeta greke “Kathimerini”, e cila e cilëson çështjen Beleri shkaktare të një ngërçi mes marrëdhënieve diplomatike të Tiranës dhe Athinës.

Ministria e Jashtme kërkoi gjykimin e drejtë dhe objektiv të Fredi Belerit në shkallën e dytë, pas dënimit me 2 vite burg për kryebashkiakun e zgjedhur të Himarës.

“Kathimerini” shkruan se dënimi i Belerit ishte një zhvillim i skontuar dhe pasqyron kontrollin mbytës të kryeministrit Edi Rama në drejtësi.

Përfshirja në një rast me karakteristika “të thella ballkanike”, siç është drejtuar nga qeveria Rama kundër Belerit, detyron Athinën të konsumojë një tjetër kapital diplomatik, edhe në një kohë kur në BE prioritetet kthehen në një drejtim tjetër.

Konkretisht dje Ministria e Punëve të Jashtme theksoi se “matja e dënimit për të mos dalë nga burgu, e pengon kryetarin e zgjedhur që edhe sot të marrë. Zbatimi selektiv i vendimeve gjyqësore dhe zbritja e vendimeve gjyqësore nuk janë në përputhje me parimet e shtetit të së drejtës. Qeveria greke do të monitorojë nga afër çështjen dhe pret një drejtësi dhe gjykim objektiv në shkallën e dytë të juridiksionit”.

Demokracia e Re shtoi në axhendën e konferencës politike të Partisë Popullore Evropiane (EPP), e cila mblidhet sot dhe nesër në Bukuresht, një projekt-rezolutë në të cilën i bëhen disa sugjerime Tiranës për çështjen Beleri.

Në projekt-rezolutë flitet për shkelje të prezumimit të pafajësisë së Belerit, ndërkohë që dënohen edhe “veprimet e qeverisë shqiptare ndaj një kryebashkiaku që i përket një minoriteti etnik” si lëvizje kundër vlerave europiane.

Rezoluta përfshin edhe linjën e prerë të Athinës së muajve të fundit, mbi të cilën bazohet qëndrimi tërësisht nënçmues i qytetarëve të Tiranës ndaj “shtetit të së drejtës, të drejtave themelore, të drejtave të pakicës kombëtare greke dhe mbi të gjitha ndaj Acquis komunitare, e cila krijon një hendek politik midis Shqipërisë dhe BE-së”.

Të fundit